യുകെയിലെ കെറ്ററിംങ്ങില് ഭര്ത്താവ് കൊലപ്പെടുത്തിയ നഴ്സ് അഞ്ജുവിന്റെ കുടുംബത്തെ സഹായിക്കുന്നതിനു വേണ്ടി കെറ്ററിങ് മലയാളി അസോസിയേഷനും, യുക്മയും സംയുക്തമായി നടത്തിയ ചാരിറ്റിയുടെ സമാഹരിച്ച 28.72000ലക്ഷം രൂപയുടെ ചെക്ക് വൈക്കം ഇത്തിപ്പുഴയിലെ അഞ്ജുവിന്റെ വീട്ടില് എത്തി ബഹുമാനപ്പെട്ട സഹകരണ രജിസ്ട്രേഷന് വകുപ്പ് മന്ത്രി വി എന് വാസവനും കെറ്ററിങ് മലയാളി അസോസിയേഷന് പിആര്ഒ സോബിന് ജോണും ചേര്ന്ന് അഞ്ജുവിന്റെ പിതാവ് അറയ്ക്കല് അശോകന് കൈമാറി. അശോകന്റെ കുടുംബത്തെ സഹായിക്കാന് മുന്പോട്ടുവന്ന മലയാളി അസോസിയേഷന്റെയും, യുക്മയേയും മന്ത്രി അഭിനന്ദിച്ചു.
ഡിസംബര് 15നു അഞ്ജു (40), മക്കളായ ജീവ (6), ജാന്വി (4) എന്നിവരെ ഭര്ത്താവ് കണ്ണൂര് സ്വദേശി സജു ചെലവേലിയില് ക്രൂരമായി കൊല ചെയ്യുകയായിരുന്നു. ഇന്ത്യന് എംബസിയുടെ സഹായത്തോടെ മൃതദേഹങ്ങള് ജനുവരി 14ന് ഇത്തിപ്പുഴയിലെ വീട്ടില് എത്തിച്ചു സംസ്കരിച്ചു.
യുകെ മലയാളി ചരിത്രത്തില് ആദ്യമായിട്ടാണ് പിഞ്ചു കുട്ടികളെ കൂട്ടക്കുരുതി നടത്തിയ ഇത്തരം ഒരു സംഭവം റിപ്പോര്ട്ട് ചെയ്യപ്പെടുന്നത്. അതുകൊണ്ടു തന്നെ ഈ സംഭവത്തിന്റെ നടുക്കം ഇന്നും വിട്ടുമാറിയിട്ടില്ല.
അഞ്ചുവിന്റെ ബന്ധുക്കള് ആരും യുകെയില് ഇല്ലാത്തതുകൊണ്ട് അഞ്ചുവിന്റെ സഹപ്രവര്ത്തകനും ഇടുക്കി ചാരിറ്റി ഗ്രൂപ്പ് യുകെ ഉപദേശകസമിതി അംഗവുമായ മനോജ് മാത്യുവിനെയാണ് അഞ്ചുവിന്റെ കുടുംബം NEXT OF KIN ആയി ചുമതലപ്പെടുത്തിയത്. മനോജ് മൃതദേഹത്തെ അനുഗമിച്ചു നാട്ടില് എത്തിയിരുന്നു. അഞ്ചുവും മക്കളും അന്ത്യവിശ്രമം കൊള്ളുന്ന ഫോട്ടോയും ഇതോടൊപ്പം പബ്ലിഷ് ചെയ്യുന്നു.