അഭിനയവും യാത്രയും വായനയും എഴുത്തും പോലെ മോഹന്ലാലിന് ഏറ്റവും പ്രിയപ്പെട്ട കാര്യ എന്താണെന്ന് ചോദിച്ചാല് എല്ലാവരും ഉത്തരമുണ്ടാകും. പാചകം ചെയ്യാന് ഏറെ ഇഷ്ടമുള്ള വ്യക്തിയാണ് ലാലേട്ടന് എന്ന് എല്ലാവര്ക്കും അറിയാം. പലതരം പാചക വീഡിയോകള് ലാലേട്ടന്റേതായി പുറത്ത് വന്നിട്ടുണ്ട്. ഇപ്പോഴിതാ ലാലേട്ടന്റെ പാചകത്തെ കുറിച്ച് ഭാര്യ സുചിത്ര പറഞ്ഞ കാര്യമാണ് ഇപ്പോള് വൈറലാകുന്നത്.
നടന് വിജയ് വരെ ലാലേട്ടന്റെ പാചകത്തെ കുറിച്ചും കൈപുണ്യത്തെ കുറിച്ചും പുകഴ്തിയിട്ടുണ്ട്. ലാലേട്ടന് ഉണ്ടാക്കിയിട്ടുള്ള വിഭവങ്ങളില് ഏറെ ഇഷ്ടം എന്താണെന്നാണ് സുചിത്രയോട് ചോദിച്ചത്.
ലാലേട്ടന്റെ എന്ത് ഉണ്ടാക്കിയാലും നല്ല രുചിയാണെന്നാണ് സുചിത്ര മറുപടി പറഞ്ഞത്. സുചിത്രയുടെ വാക്കുകള് ഇങ്ങനെ: ''അങ്ങനെ പറയാന് പറ്റില്ല. ചേട്ടന് അങ്ങനെ പ്രത്യേകിച്ച് ഒരു ഫിക്സഡ് റെസിപ്പി എന്നു പറയാനില്ല. എന്തൊക്കെയോ ഇടും. പക്ഷേ അത് ഭയങ്കര ടേസ്റ്റായിരിക്കും. നന്നായി കുക്ക് ചെയ്യും.''
'വീട്ടില് ഒരു ജാപ്പനീസ് കിച്ചനൊക്കെ ഉണ്ടാക്കിയിട്ടുണ്ട്. വീട്ടില് വരുമ്പോള് ആള്ക്കൊരു റിലാക്സേഷന് കൂടിയാണല്ലോ'' എന്നാണ് സുചിത്ര പറയുന്നത്.