സംസ്ഥാനത്ത് ഭക്ഷവിഷബാധയേറ്റ് വീണ്ടും മരണം. കാസര്ഗോഡ് ഹോട്ടലില് നിന്ന് വാങ്ങിയ കുഴിമന്തി കഴിച്ച കാസര്കോട് സ്വദേശിയായ അഞ്ജുശ്രീ പാര്വതി(19)യാണ് മരിച്ചത്. മംഗളൂരുവിലെ സ്വകാര്യ ആശുപത്രിയില് ചികിത്സയിലിരിക്കെയാണ് മരണം.
ഹോട്ടലില് നിന്നും ഓണ്ലൈനില് വരുത്തിച്ച കുഴിമന്തി കഴിച്ചതോടെ ശാരീരിക അസ്വസ്ഥത ആരംഭിച്ചു. ഇതിനു പിന്നാലെ പെണ്കുട്ടിയെ കാസര്ഗോട്ടെ സ്വകാര്യ ആശുപത്രിയില് പ്രവേശിപ്പിച്ചു. പിന്നീട് ആരോഗ്യസ്ഥിതി മോശമായതിനെ തുടര്ന്ന് മംഗലാപുരത്തെ ആശുപത്രിയിലേക്ക് മാറ്റിയിരുന്നു കുറച്ചു ദിവസങ്ങളായി പെണ്കുട്ടിയുടെ നില ഗുരുതരമായി തുടരുകയായിരുന്നെന്നാണ് വിവരം.
അത്കത്ത് ബെയിലില് പ്രവര്ത്തിക്കുന്ന അല് റൊമന്സിയ ഹോട്ടലില്നിന്നാണ് പെണ്കുട്ടി കുഴിമന്തി വാങ്ങിയതെന്ന് ഉദുമ എംഎല്എ സി.എച്ച്.കുഞ്ഞമ്പു പറഞ്ഞു. അഞ്ജുവിനൊപ്പം ഭക്ഷണം കഴിച്ച സുഹൃത്തുക്കള്ക്കും ഭക്ഷ്യവിഷബാധയേറ്റെന്നും എംഎല്എ അറിയിച്ചു.