കൊല്ക്കത്ത : ചന്ദ്രയാന് 3 ചന്ദ്രന്റെ ദക്ഷിണ ദ്രുവം കീഴടക്കിയ അഭിമാനത്തിലാണ് രാജ്യം. ഓരോ ഇന്ത്യക്കാരുടെയും വലിയ പ്രതീക്ഷകളുടെ തുടക്കമായിരുന്നു അത്. അതിനു ശേഷം പുറത്ത് വന്ന പല വാര്ത്തകളിലും ചന്ദ്രനില് ഒരേക്കര് സ്ഥലം വാങ്ങിയാലോ എന്ന തമാശ രീതിയില് പലരും വാര്ത്തകള് പ്രചരിപ്പിച്ചിരുന്നു. ഇപ്പോഴിതാ ബംഗാളില് നിന്നും പുറത്തുവരുന്ന റിപ്പോര്ട്ടില് ഒരാള് സ്ഥലം സ്വന്തമാക്കിയിരിക്കുകയാണ്.
ബംഗാളിലെ ജാര്ഗാം പ്രദേശത്തെ സഞ്ജയ് മഹാത്തോ എന്ന യുവാവ് തന്റെ ഭാര്യയ്ക്ക് പിറന്നാള് സമ്മാനമായി നല്കിയ കാര്യമാണ് എല്ലാവരെയും ഞെട്ടിച്ചത്. ചന്ദ്രനില് ഒരേക്കര് ഭൂമി ഭാര്യയുടെ പേരില് രജിസ്റ്റര് ചെയ്തുകൊണ്ടാണ് അദ്ദേഹം എല്ലാവരെയും അമ്പപ്പിച്ചത്. ചന്ദ്രനില് ഒരേക്കര് ഭൂമി സ്വന്തമാക്കാന് അദ്ദേഹം ചെലവാക്കിയ തുകയും വെളിപ്പെടുത്തിയിട്ടുണ്ട്. പതിനായിരം രൂപയോളമാണ് അദ്ദേഹം ഇതിന് വേണ്ടി ചെലവാക്കിയതെന്ന് ഡിഎന്എ റിപ്പോര്ട്ട് ചെയ്യുന്നു.
സഞ്ജയും ഭാര്യയും ഏറെ നാളത്തെ പ്രണയത്തിന് ശേഷമാണ് വിവാഹിതരായത്. കഴിഞ്ഞ ഏപ്രിലില് വലിയ ആഘോഷത്തോടെയാണ് വിവാഹം നടന്നത്. പ്രണയിക്കുന്ന സമയത്ത് ഭാര്യയ്ക്ക് ചന്ദ്രനെ പിടിച്ചുകൊണ്ടു തരുമെന്ന് സഞ്ജയ് പറഞ്ഞിരുന്നു. എന്നാല് അത് സാദ്ധ്യമല്ലാത്തത് കൊണ്ട് താന് ചന്ദ്രനില് ഭൂമി വാങ്ങി നല്കുകയായിരുന്നെന്ന് അദ്ദേഹം ഇന്ത്യ ടുഡേയോട് പറഞ്ഞു.
ഒരു സുഹൃത്തിന്റെ സഹായത്തോടെ ലൂണ സൊസൈറ്റി ഇന്റര്നാഷണല് വഴിയാണ് അദ്ദേഹം ചന്ദ്രനില് സ്ഥലം വാങ്ങിയത്. 'ഞങ്ങളുടെ ഹൃദയത്തില് ചന്ദ്രന് പ്രത്യേക സ്ഥാനമുണ്ട്. എന്റെ ഭാര്യയുടെ പിറന്നാളിന് ഇതിലും വലിയൊരു സമ്മാനം എനിക്ക് നല്കാന് കഴിയില്ല. അതുകൊണ്ടാണ് ഇങ്ങനെയൊരു പ്രവൃത്തി ചെയ്തത്'- സഞ്ജയ് പറഞ്ഞു.