നിപ ബാധിതര്ക്കായുള്ള മോണോക്ലോണല് ആന്റിബോഡി കേരളത്തിലെത്തിച്ചു. ആരോഗ്യ മന്ത്രി വീണ ജോര്ജാണ് ഈ കാര്യം അറിയിച്ചത്. അതിന്റെ സ്റ്റബിലിറ്റി സംബന്ധിച്ച കാര്യങ്ങള് കേന്ദ്രത്തിന്റെ വിദഗ്ധ കമ്മിറ്റിയുമായി ചര്ച്ച നടത്തിയെന്നും വിദഗ്ധ കമ്മിറ്റി തുടര് കാര്യങ്ങള് തീരുമാനിക്കുമെന്നും മന്ത്രി അറിയിച്ചു.
അതേസമയം, ആറംഗ കേന്ദ്രസംഘം കോഴിക്കോട് എത്തി. ജില്ല കലക്ടര് എ. ഗീതയുമായി കൂടിക്കാഴ്ച നടത്തിയ സംഘം സ്ഥിതിഗതികള് വിലയിരുത്തുകയാണ്.
വ്യാഴം, വെള്ളി ദിവസങ്ങളില് അവധി പ്രഖ്യാപിച്ചതിന് പിന്നാലെ കോഴിക്കോട് ജില്ലയിലെ വിദ്യാഭ്യാസ സ്ഥാപനങ്ങള്ക്ക് ശനിയാഴ്ചയും അവധി നല്കി. പ്രഫഷണല് കോളജുകള് ഉള്പ്പടെ വിദ്യാഭ്യാസ സ്ഥാപനങ്ങള്ക്കാണ് അവധി. മദ്രസ, അംഗന്വാടി എന്നിവക്കും അവധി ബാധകമാണ്. യൂനിവേഴ്സിറ്റി, പി.എസ്.സി പരീക്ഷകള് മാറ്റമില്ലാതെ നടക്കുമെന്നും ജില്ല കലക്ടര് അറിയിച്ചു.