തിരക്കു പിടിച്ച ജീവിത്തതില് കൃത്യ സമയത്ത് ബില്ലടക്കാന് മറന്നു പോകുന്നത് സ്വാഭാവികമാണ്. എന്നാല് ഇനി അത്തരത്തരത്തില് ഒന്ന് ആവര്ത്തിക്കാതിരിക്കാന് ഇതാ കെഎസ്ഇബി പുതിയ സംവിധാനം ഒരുക്കുന്നു.
വൈദ്യുതി ബില്ല് അടയ്ക്കേണ്ട തീയതി സംബന്ധിച്ച മുന്നറിയിപ്പ് നല്കുന്നതാണ് പുതിയ സംവിധാനം. ഇത് ലഭ്യമാക്കുന്നതിനായി കണ്സ്യൂമര് രേഖയ്ക്കൊപ്പം ഫോണ്നമ്പര് ചേര്ക്കാന് ഉപഭോക്താക്കളോട് കെ എസ് ഇ ബി അഭ്യര്ത്ഥിച്ചു. എസ് എം എസായി മുന്നറിയിപ്പ് ലഭിക്കും. ഫേസ്ബുക്കിലൂടെ കെഎസ്ഇബി ഈ കാര്യം അറിയിച്ചത്.
ഫെസ്ബുക്ക് കുറിപ്പ് ഇങ്ങനെ:
യഥാസമയം വൈദ്യുതി ബില്ലടയ്ക്കാന് പലപ്പോഴും നമ്മള് മറന്നുപോകാറുണ്ട്. കൃത്യസമയത്ത് വൈദ്യുതി ബില് അടയ്ക്കാതിരുന്നാല് പിഴയൊടുക്കേണ്ടി വരുമെന്ന് മാത്രമല്ല ഒരുപക്ഷേ വൈദ്യുതി ബന്ധം വിച്ഛേദിക്കപ്പെടാന് പോലും സാധ്യതയുണ്ട്.
ഉപഭോക്താക്കള്ക്ക് വൈദ്യുതി ബില് അടയ്ക്കേണ്ട തീയതി സംബന്ധിച്ച മുന്നറിയിപ്പ് നല്കുന്നതിന് പ്രത്യേക സംവിധാനം കെ എസ് ഇ ബി ഒരുക്കിയിട്ടുണ്ട്.
ചെയ്യേണ്ടത് ഇത്രമാത്രം. നമ്മുടെ കണ്സ്യൂമര് രേഖകള്ക്കൊപ്പം ഫോണ്നമ്പര് ചേര്ക്കുക. ഇങ്ങനെ ചെയ്യുന്നതിലൂടെ വൈദ്യുതി ബില് തുക അടയ്ക്കേണ്ട തീയതി സംബന്ധിച്ച മുന്നറിയിപ്പ് എസ് എം എസായി ലഭിക്കും. വൈദ്യുതി ബില് സംബന്ധിച്ച വിവരങ്ങള്, വൈദ്യുതി തടസ്സം സംബന്ധിച്ച മുന്നറിയിപ്പുകള് തുടങ്ങിയവയും ലഭ്യമാകും.
https://wss.kseb.in/selfservices/registermobile എന്ന വെബ്സൈറ്റിലൂടെയും സെക്ഷന് ഓഫീസിലെ ക്യാഷ് കൗണ്ടര് വഴിയും മീറ്റര് റീഡറുടെ കയ്യിലെ ബില്ലിംഗ് മെഷീന് വഴിയുമൊക്കെ ഫോണ്നമ്പര് രജിസ്റ്റര് ചെയ്യാം.
ഈ സേവനം തികച്ചും സൗജന്യമാണ്.
എത്രയും വേഗം ഫോണ് നമ്പര് രജിസ്റ്റര്ചെയ്യൂ...