പത്തനംതിട്ടയില് കാട്ടാന ആക്രമണത്തില് പത്തനംതിട്ട തുലാപ്പള്ളിയില് കൊടിലില് ബിജു 56നെ കൊല്ലപ്പെട്ട നിലിയില് കണ്ടെത്തി. ശബരിമല വനാതിര്ത്തി മേഖലയായ എരുമേലി തുലാപ്പള്ളി മാണിപ്പടിക്കടുത്താണ് സംഭവം നടന്നത്.
പുലര്ച്ചെ ഒന്നരയോടെ വീടിന് സമീപത്തെ തെങ്ങ് ആന മറിയ്ക്കുന്നത് കണ്ട് തുരത്താന് ഇറങ്ങിയപ്പോഴാണ് ബിജുവിനെ ആന ആക്രമിച്ചത്. സംഭവസ്ഥലത്തുവച്ച് തന്നെ ബിജു മരിച്ചു. ബിജുവിനെ കാട്ടാന തുമ്പിക്കൈ കൊണ്ട് അടിക്കുകയായിരുന്നുവെന്നാണ് നാട്ടുകാര് പറഞ്ഞത്. പ്രതിഷേധവുമായി രംഗത്തെത്തിയ നാട്ടുകാര് ജില്ലാ കളക്ടറോ ഉന്നത ഉദ്യോഗസ്ഥരോ എത്താതെ ബിജുവിന്റെ മൃതദേഹം സ്ഥലത്തു നിന്ന് മാറ്റാന് സമ്മതിക്കില്ലെന്ന് അറിയിച്ചു.
അതേസമയം, കഴിഞ്ഞ ദിവസവും പത്തനംതിട്ട തണ്ണിത്തോട് ഏഴാംതലയില് കാട്ടാന ആക്രമണത്തില് യുവാവ് കൊല്ലപ്പെട്ടു. ഏഴാംതല സ്വദേശി ദിലീപാണ് മരിച്ചത്.വനത്തിനുള്ളില് വെച്ച് ദിലീപിനെ കാട്ടാനക്കൂട്ടം ആക്രമിച്ചെന്ന് സുഹൃത്ത് ഓമനകുട്ടന് മൊഴി നല്കിയിട്ടുണ്ട്. ദിലീപും സുഹൃത്തും പുഴയില് വല വിരിക്കാന് പോയ സമയത്താണ് ആനയുടെ ആക്രമണമുണ്ടായത്.