കേരളത്തില് പനി ബാധിതര് ഏറി വരുന്നതായി റിപ്പോര്ട്ട്. കഴിഞ്ഞ ദിവസത്തെ മാത്രം കണക്കെടുത്തത് പ്രകാരം പനി ബാധിച്ച് ചികിത്സ തേടിയത് 9,158 പേരാണ്.
ഡെങ്കിപ്പനി മൂലം 19 പേരാണ് ചികിത്സ തേടിയത്. മലപ്പുറം, തിരുവനന്തപുരം, എറണാകുളം ജില്ലകളിലാണ് ജില്ലകളിലാണ് ഏറ്റവും കൂടുതല് പനി ബാധിതര്. പകര്ച്ചപ്പനിയില് ജാഗ്രത വേണമെന്ന് ആരോഗ്യവകുപ്പ് നിര്ദേശം നല്കിയിട്ടുണ്ട്.
2013 നും 2017നും സമാനമായി ഈ വര്ഷം ഡെങ്കിപ്പനി രോഗവ്യാപനം വളരെ കൂടുതലുണ്ടാകുമെന്ന് പ്രതീക്ഷിച്ചതിനാല് മുന്കൂട്ടി തന്നെ ജാഗ്രതാ നിര്ദേശം നല്കിയിരുന്നു. കൂടാതെ രോഗപ്രതിരോധ പ്രവര്ത്തനങ്ങള് ശക്തമാക്കുകയും ചെയ്തിരുന്നു. പകര്ച്ചപ്പനി വ്യാപിക്കുന്ന സാഹചര്യത്തില് സ്വയം ചികിത്സ പാടില്ല.
വരുന്ന 8 ആഴ്ചകളില് വെള്ളി, ശനി, ഞായര് ദിവസങ്ങള് തോറും ഡ്രൈ ഡേ ആചരിക്കണമെന്ന് ആരോഗ്യവകുപ്പ് ആവശ്യപ്പെട്ടിട്ടുണ്ട്. വെള്ളിയാഴ്ച സ്കൂളുകള്, ശനിയാഴ്ച ഓഫീസുകള്, ഞായറാഴ്ച വീടുകള് എന്നിങ്ങനെയാണ് ഡ്രൈ ഡേ ആചരിക്കേണ്ടത്.