യുകെയിലെ നഴ്‌സുമാരും മിഡ് വൈഫുമാരും വരും ദിവസങ്ങളിൽ കൂട്ടയോട്ടം നടത്തും. വേതന വർദ്ധനവിനായുള്ള  പ്രതിഷേധ സമരങ്ങളുടെ ഭാഗമായല്ല ഈ കൂട്ടയോട്ടം. മറിച്ച്, തിരക്കുപിടിച്ച നഴ്‌സിംഗ് ജീവിതത്തിനിടയിലും അവരുടെ ശാരീരിക - മാനസിക സംരക്ഷണത്തിനുള്ള  ആഹ്വാനത്തിന്റെ ഭാഗമാണ്. ഇൻ്റർനാഷണൽ ഡേ ഓഫ് മിഡ്‌വൈഫും ഇൻ്റർനാഷണൽ നഴ്‌സസ് ഡേയും ആഘോഷിക്കുന്നതിന്റെ ഭാഗമായാണ് ഇക്കൊല്ലത്തെ കൂട്ടയോട്ടം. ഹെൽത്ത് - ചാരിറ്റി സംഘടന  പാർക്ക് റൺ ആണ്  മുൻനിര ആരോഗ്യപ്രവർത്തകരുടെ ഈ കൂട്ടയോട്ടം സംഘടിപ്പിച്ചിട്ടുള്ളത്. യുകെയിലെ സീനിയർ നഴ്‌സുമാരും മിഡ്‌വൈഫുമാരും അടക്കം ഇൻ്റർനാഷണൽ ഡേ ഓഫ് മിഡ്‌വൈഫും ഇൻ്റർനാഷണൽ നഴ്‌സസ് ഡേയും ആഘോഷിക്കുന്നതിനായി പാർക്ക് റൺ ഓട്ടത്തിൽ പങ്കെടുക്കണമെന്നാണ് മേധാവികളുടെ നിർദ്ദേശം.  ഇൻ്റർനാഷണൽ ഡേ ഓഫ് മിഡ്‌വൈഫും ഇൻ്റർനാഷണൽ നഴ്‌സസ് ഡേയും യഥാക്രമം മെയ് 5 ഞായറാഴ്ചയും മെയ് 12 ഞായറാഴ്ചയുമാണ്  ലോകമെങ്ങും കൊണ്ടാടുന്നത്.   ഇംഗ്ലണ്ട്, വെയിൽസ്, നോർത്തേൺ അയർലൻഡ്, സ്കോട്ട്‌ലൻഡ് എന്നിവിടങ്ങളിലെ ദേശീയ നഴ്‌സിംഗ്, മിഡ്‌വൈഫറി മേധാവികൾ രണ്ട് വിഭാഗ ജീവനക്കാരോടും അന്താരാഷ്ട്ര ഡേയ്ക്ക്  തൊട്ടുമുമ്പുള്ള  ശനിയാഴ്ച അവരുടെ പ്രാദേശിക പാർക്ക്‌റണിൽ പങ്കെടുക്കാൻ ആവശ്യപ്പെടുന്നു. അതുപ്രകാരം ഇംഗ്ലണ്ട്, സ്കോട്ട്ലൻഡ്, വെയിൽസ് എന്നിവിടങ്ങളിൽ, മിഡ്  വൈഫ്‌സ് മെയ് 4 ശനിയാഴ്ചയും നഴ്സുമാർ  മെയ് 11 ശനിയാഴ്ചയും പാർക്ക് റൺ ഓട്ടത്തിൽ പങ്കെടുക്കാനാണ് ആഹ്വാനം. വടക്കൻ അയർലണ്ടിൽ, മിഡ്‌വൈഫുകളെയും നഴ്‌സുമാരെയും മെയ് 11 ശനിയാഴ്ച റണ്ണിൽ പങ്കെടുക്കാൻ നിർദ്ദേശിക്കുന്നു. ഒരിക്കൽ രജിസ്റ്റർ ചെയ്‌താൽ ആർക്കും എപ്പോഴും  പങ്കെടുക്കാൻ സ്വാതന്ത്ര്യമുള്ള പാർക്ക്‌റൺസ് അഞ്ച് കിലോമീറ്റർ (3.1 മൈൽ) ദൂരമാണ് ഓട്ടം നടത്തുക. ഇത് മിക്ക പട്ടണങ്ങളിലും നഗരങ്ങളിലും ആഴ്ചതോറും നടക്കുന്നു. “നഴ്സിംഗ് അസോസിയേറ്റ്‌സ്, സപ്പോർട്ട് വർക്കർമാർ എന്നിവരോടൊപ്പം നഴ്‌സുമാരും മിഡ്‌വൈഫുമാരും NHS, ആരോഗ്യം, സാമൂഹിക പരിചരണം എന്നിവയിലുടനീളമുള്ള തൊഴിൽ സേനയുടെ അവിഭാജ്യ ഘടകമാണ്, കൂടുതൽ ശാരീരികമായി സജീവമായിരിക്കുക വഴി നഴ്‌സുമാർക്ക് മാതൃകയായി നയിക്കാനുള്ള അവസരവും കൂട്ടയോട്ടം നൽകുമെന്ന് ഇംഗ്ലണ്ടിലെ ചീഫ് നഴ്സിംഗ് ഓഫീസർ (സിഎൻഒ) ഡാം റൂത്ത് മേ പറഞ്ഞു. നഴ്‌സുമാർക്കും മിഡ്‌വൈഫുമാർക്കും 5k ഓട്ടം, ജോഗിംഗ് അല്ലെങ്കിൽ നടന്ന് - അല്ലെങ്കിൽ പാർക്ക്‌റൺ വെബ്‌സൈറ്റിൽ കാണാവുന്ന അവരുടെ പ്രാദേശിക പരിപാടിയിൽ സന്നദ്ധസേവനം നടത്തിയോ, സ്ഥലത്തെത്തി വെറുതെയൊരു ഷേക്ക് ഹാൻഡ് നൽകിയോ പ്രോഗ്രാമിൽ പങ്കെടുക്കാം. അവർ സ്വയം പങ്കെടുക്കുന്നുണ്ടെങ്കിൽ രാജ്യത്തിനനുസരിച്ചുള്ള മിഡ്‌വൈഫിൻ്റെ രാജ്യാന്തര ദിനത്തിലും ഇൻ്റർനാഷണൽ നഴ്‌സസ് ഡേ പാർക്ക്‌റൺ റണ്ണിംഗ് ഗ്രൂപ്പുകളിലും ചേരാം. ഇംഗ്ലണ്ടിലെ ചീഫ് മിഡ്‌വൈഫറി ഓഫീസർ കേറ്റ് ബ്രിൻ്റ്‌വർത്ത് പറഞ്ഞു: “രാജ്യത്തുടനീളമുള്ള മിഡ്‌വൈഫുകൾ മെയ് 5 ന് അന്താരാഷ്ട്ര മിഡ്‌വൈഫ് ദിനത്തോടനുബന്ധിച്ച് പാർക്ക്‌റൺ പരിപാടികളിൽ ചേരുന്നത് കാണാൻ ഞാൻ ആഗ്രഹിക്കുന്നു. “അത് നടത്തം, ജോഗിംഗ് അല്ലെങ്കിൽ കോഴ്‌സ് ഓടുന്നത്, അല്ലെങ്കിൽ ഒരു സന്നദ്ധസേവകനായി ഒരു ഷേക്ക് ഹാൻഡ് നൽകുക  എന്നിവയിലൂടെയാണെങ്കിലും, ഈ ഇവൻ്റുകൾ ഞങ്ങളുടെ മിഡ്‌വൈഫറി തൊഴിൽ ആഘോഷിക്കാനും നിരവധി സ്ത്രീകൾക്ക് പരിചരണവും പിന്തുണയും നൽകുന്ന മിഡ്‌വൈഫുകളുടെ അർപ്പണബോധവും പ്രതിബദ്ധതയും തിരിച്ചറിയാനുള്ള അവസരമാണ്.” മേയ് 4, 11 തീയതികളിൽ നടക്കുന്ന പാർക്ക്‌റൺ ഇവൻ്റുകളിൽ പങ്കെടുക്കാനും പരിപാടി വിജയിപ്പിക്കാനും മേധാവികൾ  നഴ്‌സുമാരെയും മിഡ്‌വൈഫുകളെയും അവരുടെ സുഹൃത്തുക്കളെയും കുടുംബാംഗങ്ങളെയും പ്രോത്സാഹിപ്പിക്കുന്നു.

ഇംഗ്ലണ്ടിലെയും വെയിൽസിലെയും പ്രാദേശിക തിരഞ്ഞെടുപ്പുകളിൽ വോട്ടെണ്ണൽ പുരോഗമിക്കവേ, ആദ്യ ഫലസൂചനകളിൽ കൺസർവേറ്റിവുകൾ കനത്ത തിരിച്ചടി നേരിടുന്നു. സിറ്റിംഗ് സീറ്റായ ബ്ലാക്ക്പൂൾ സൗത്ത് ഉപതെരഞ്ഞെടുപ്പിലും ടോറികൾ പരാജയപ്പെട്ടു. ഇവിടെ നല്ല ഭൂരിപക്ഷത്തിന് ലേബർ സ്ഥാനാർഥി വിജയിച്ചു. 7,607 വോട്ടിന്റെ ഭൂരിപക്ഷത്തിലാണ്  കൺസർവേറ്റീവുകളിൽ നിന്ന് 26% വലിയ മുന്നേറ്റത്തോടെയും ലേബർ പാർട്ടി ടോറികളുടെ സിറ്റിംഗ് സീറ്റ് അനായാസമായി നേടിയത്. 1997 മുതൽ 2019 വരെ ലേബർ കൈവശം വച്ചിരുന്ന മണ്ഡലത്തിൽ കൺസർവേറ്റീവ് ഡേവിഡ് ജോൺസിനെ പരാജയപ്പെടുത്താൻ ലേബർ സ്ഥാനാർത്ഥി ക്രിസ് വെബ് 3,690 ഭൂരിപക്ഷം അട്ടിമറിച്ചു. അതിനുപുറമേ നാല് കൗൺസിലുകളുടെ നിയന്ത്രണവും  ലേബറുകൾ നേടുകയും ചെയ്തു. ഇന്നലെ രാത്രിവന്ന ഫലങ്ങളിൽ, ഹാർട്ടിൽപൂൾ, തുറോക്ക്, റഷ്മൂർ, റെഡ്ഡിച്ച് എന്നിവിടങ്ങളിലെ പ്രധാന ലക്ഷ്യ കൗൺസിലുകളും ലേബർ നേടി. ഇതിനിടെ ടോറികൾക്ക് മൂന്ന് കൗൺസിലുകളുടെ നിയന്ത്രണം നഷ്ടപ്പെട്ടു. ടോറികളിൽ നിന്ന് ലേബറിലേക്കുള്ള 26% വോട്ടിങ് ചേഞ്ച്  1945 ന് ശേഷമുള്ള ഒരു ഉപതെരഞ്ഞെടുപ്പിലെ മൂന്നാമത്തെ വലിയതാണ്. 16 കൗൺസിൽ സീറ്റുകൾ മാത്രം നേടിയ ലിബറൽ ഡെമോക്രാറ്റുകൾക്ക് ചെറിയ വിജയത്തിന്റെ രാത്രിയായി. മൊത്തത്തിൽ, 100-ലധികം കൗൺസിൽ സീറ്റുകളും മൂന്ന് കൗൺസിലുകളുടെ നിയന്ത്രണവും നഷ്ടപ്പെട്ട കൺസർവേറ്റീവുകൾക്ക് മോശം രാത്രിയും. അതേസമയം ലേബർ 55 കൗൺസിൽ സീറ്റുകൾ നേടി ഇംഗ്ലണ്ടിലെ കൗൺസിൽ തെരഞ്ഞെടുപ്പിലെ മുന്നേറ്റം, 2025 ജനുവരി അവസാനത്തോടെ നടക്കേണ്ട അടുത്ത പൊതുതെരഞ്ഞെടുപ്പിൽ സീറ്റുകൾ നേടുമെന്ന് പ്രതീക്ഷിക്കുന്ന മേഖലകളിലെ നേട്ടങ്ങളും ലേബറിന് ആവേശം പകരുന്നു. "റിഷി സുനക്കിൻ്റെ കൺസർവേറ്റീവുകൾക്ക് നേരിട്ട് ഒരു സന്ദേശം അയക്കാൻ വോട്ടർമാർക്ക് അവസരം ലഭിച്ച ഒരു മത്സരമാണിത്, ആ സന്ദേശം മാറ്റത്തിനായുള്ള ഒരു വലിയ വോട്ടാണ്," ലേബർ നേതാവ് സർ കെയർ സ്റ്റാർമർ പറഞ്ഞു.  "ഋഷി സുനക്കിനുള്ള സന്ദേശം വ്യക്തമാണ്. ഇത് മാറ്റത്തിനുള്ള സമയമാണ്, ഇത് ഒരു പൊതു തിരഞ്ഞെടുപ്പിനുള്ള സമയമാണ്." 2022 ഒക്ടോബറിൽ പ്രധാനമന്ത്രിയായ ശേഷം ഋഷി സുനക്കിൻ്റെ ഏഴാമത്തെ ഉപതെരഞ്ഞെടുപ്പ് പരാജയമാണിത്. ലണ്ടൻ, ഗ്രേറ്റർ മാഞ്ചസ്റ്റർ, ലിവർപൂൾ സിറ്റി റീജിയൺ എന്നിവയുൾപ്പെടെ മറ്റ് ഒമ്പത് മേയർ മത്സരങ്ങൾ നടക്കുന്നുണ്ട്. ഈസ്റ്റ് മിഡ്‌ലാൻഡ്‌സ്, നോർത്ത് ഈസ്റ്റ്, യോർക്ക്, നോർത്ത് യോർക്ക്ഷയർ എന്നിവയും ആദ്യമായി മേയർമാരെ തിരഞ്ഞെടുക്കുന്നു. മറ്റിടങ്ങളിൽ, ഇംഗ്ലണ്ടിലും വെയിൽസിലും 37 പോലീസ്, ക്രൈം കമ്മീഷണർമാരെ തിരഞ്ഞെടുക്കുന്നു. ഭൂരിപക്ഷം കൗൺസിലുകളിലും വോട്ടുകൾ ഇപ്പോഴും എണ്ണിക്കൊണ്ടിരിക്കുകയാണ്, അന്തിമപ്രഖ്യാപനങ്ങൾ ഞായറാഴ്ചയോടെയേ പുറത്തുവരൂ.

ഇങ്ങനെയും ഒരു തിരഞ്ഞെടുപ്പോ..? ലോക്‌സഭാ  തിരഞ്ഞെടുപ്പിന്റെ കാടിളക്കിയുള്ള പ്രചാരണവും കൊട്ടിക്കലാശത്തിന്റെ ആളും ആരവവുമൊക്കെ ഇപ്പോഴും കാതിൽനിന്നും മായാത്ത മലയാളികൾ ഒരുപക്ഷേ, യുകെയിലെ ഈ പ്രാദേശിക തിരഞ്ഞെടുപ്പ് കണ്ടാൽ അമ്പരക്കും..! മൂക്കത്തു വിരൽവയ്ക്കും! ഇംഗ്ലണ്ടിലും വെയിൽസിലും ഇന്ന് ലോക്കൽ കൗൺസിൽ തിരഞ്ഞെടുപ്പ് നടക്കുകയാണ്. ഇതിനുപുറമേ മേയർമാരേയും പോലീസ് മേധാവികളേയും ക്രൈം കമ്മീഷണർമാരേയും ജനങ്ങൾ നേരിട്ട് തിരഞ്ഞെടുക്കുന്നു. ഇംഗ്ലണ്ടിലെയും വെയിൽസിലെയും എല്ലാ പ്രദേശങ്ങളിലും വ്യാഴാഴ്ച, കുറഞ്ഞത് ഒരു തിരഞ്ഞെടുപ്പിലെങ്കിലും വോട്ട് ഉണ്ടായിരിക്കും. ഇംഗ്ലണ്ടിൻ്റെ ചില ഭാഗങ്ങളിൽ കൗൺസിൽ, മേയർ തിരഞ്ഞെടുപ്പുകളും ഇംഗ്ലണ്ടിലെയും വെയിൽസിലെയും മിക്ക പ്രദേശങ്ങളിലും പോലീസ്, ക്രൈം കമ്മീഷണർ തിരഞ്ഞെടുപ്പുകളും ഉണ്ട്. എന്നാൽ ചിലയിടങ്ങളിൽ ഇന്ന് തിരഞ്ഞെടുപ്പ് ഇല്ല. രാവിലെ ഉറക്കമുണരുമ്പോഴാണ് പലരും ഇന്ന് തിരഞ്ഞെടുപ്പാണെന്നുപോലും അറിയുന്നത്. തങ്ങളുടെ ഏരിയയിൽ തിരഞ്ഞെടുപ്പുണ്ടോ എന്നുപോലും പലർക്കും അറിയാൻ കഴിയാത്ത അവസ്ഥയാണ്. അതേസമയം സ്കോട്ട്ലാൻഡിലും വടക്കൻ അയർലാൻഡിലും ഇപ്പോൾ ഷെഡ്യൂൾ ചെയ്ത തിരഞ്ഞെടുപ്പുകളൊന്നുമില്ല. 107 കൗൺസിൽ ഏരിയകളിലായി 2,600 സീറ്റുകളിലേക്കാണ് മത്സരം നടക്കുന്നത്. കൗൺസിൽ തിരഞ്ഞെടുപ്പിൻ്റെ ചെറിയ റൗണ്ടുകളിൽ ഒന്നാണെങ്കിലും, വരാനിരിക്കുന്ന പൊതുതിരഞ്ഞെടുപ്പിൽ ആളുകൾ എങ്ങനെ വോട്ട് ചെയ്യുമെന്നതിനെക്കുറിച്ച് അവർക്ക് എന്താണ് പറയാനാകുക എന്നറിയാൻ ഫലങ്ങൾ വളരെ സൂക്ഷ്മമായി വിലയിരുത്തപ്പെടും. നിരവധി മലയാളികളും മത്സരരംഗത്തുണ്ട്. മലയാളികളിൽ കൂടുതൽപ്പേരും കൺസർവേറ്റീവ്, ലേബർ ടിക്കറ്റുകളിലാണ് അങ്കത്തിനിറങ്ങുന്നത്. മേയർ, ഡെപ്യൂട്ടി മേയർ  സ്ഥാനങ്ങളിലേക്കും മലയാളികൾ മത്സരിക്കുന്നു. തെരഞ്ഞെടുപ്പിനുള്ള കൗൺസിലുകൾ പ്രധാനമായും വടക്കൻ ഇംഗ്ലണ്ടിലെ നഗരപ്രദേശങ്ങളിലും മിഡ്‌ലാൻഡ്‌സിൻ്റെ ചില ഭാഗങ്ങളിലും ലണ്ടന് ചുറ്റുമുള്ള കമ്മ്യൂട്ടർ ബെൽറ്റുകളിലുമാണ്. 2021 മെയ് മാസത്തിലാണ് ഭൂരിഭാഗം സീറ്റുകളിലും അവസാനമായി മത്സരം നടന്നത്. നിലവിൽ ഇംഗ്ലണ്ടിൽ കൺസർവേറ്റീവുകൾക്കും  ലേബറുകൾക്കും ഏകദേശം തുല്യനിലയിൽ സീറ്റുകളുണ്ട്. കൺസർവേറ്റീവുകൾക്ക് 989 സീറ്റുകളുള്ളപ്പോൾ 973 കൗൺസിൽ സീറ്റുകൾ ലേബറുകൾക്കുമുണ്ട്.418 സീറ്റുമായി ലിബറൽ ഡെമോക്രാറ്റുകളാണ് മൂന്നാമത്. സ്വതന്ത്രരും മറ്റുള്ളവരും 135, ഗ്രീൻ പാർട്ടി 107, റെസിഡന്റ്‌സ് അസ്സോസിയേഷൻ  37 എന്നിങ്ങനെയാണ് മറ്റുള്ളവരുടെ നില. മേയർ തിരഞ്ഞെടുപ്പ് ഈ വർഷത്തെ ഏറ്റവും ശ്രദ്ധേയമായതും പ്രാധാന്യമുള്ളതുമായ തിരഞ്ഞെടുപ്പ് ലണ്ടൻ മേയർ സ്ഥാനത്തേക്കുള്ള മത്സരമാണ്. 8.8 മില്യൺ ജനങ്ങളുള്ള ഒരുനഗരത്തിൽ ഏകദേശം 20 ബില്യൺ പൗണ്ട് ചെലവഴിക്കുന്നത് തിരഞ്ഞെടുക്കപ്പെടുന്ന മേയർ മേൽനോട്ടം വഹിക്കുന്നു. വിജയിക്കുന്നയാൾക്ക് ഗ്രേറ്റർ ലണ്ടനിലെ ഗതാഗതം, പാർപ്പിടം, ആസൂത്രണം, പരിസ്ഥിതി തുടങ്ങിയ മേഖലകളിലെ നയങ്ങളുടെയും ചെലവുകളുടെയും ഉത്തരവാദിത്തം ഉണ്ടായിരിക്കും. അവർ മെട്രോപൊളിറ്റൻ പോലീസിൻ്റെ മേൽനോട്ടം വഹിക്കുന്നു, കമ്മീഷണറെ നിയമിക്കുന്നതിൽ അവർക്ക് പങ്കുണ്ട്. ഇതിനുപുറമെ ഒമ്പത് റീജിയണൽ മേയർമാരുടെ തിരഞ്ഞെടുപ്പുമുണ്ട്. ഏതാണ്ടെല്ലാവരും അവസാനമായി മത്സരിച്ചത് 2021-ലാണ് (2022-ലെ സൗത്ത് യോർക്ക്ഷയർ ഒഴികെ). ലിവർപൂൾ, മാഞ്ചസ്റ്റർ, സൗത്ത് യോർക്ക്ഷയർ, വെസ്റ്റ് യോർക്ക്ഷയർ എന്നിവിടങ്ങളിൽ ലേബർ വിജയിച്ചു. വെസ്റ്റ് മിഡ്‌ലാൻഡ്‌സിലും ടീസ് വാലിയിലും കൺസർവേറ്റീവുകൾ പിടിച്ചുനിന്നു. 2024-ൽ ഈസ്റ്റ് മിഡ്‌ലാൻഡ്‌സ്, നോർത്ത് ഈസ്റ്റ്, യോർക്ക്, നോർത്ത് യോർക്ക്ഷയർ എന്നിവിടങ്ങളിൽ മൂന്ന് പുതിയ പ്രാദേശിക മേയർമാരുണ്ട്. ഈ വർഷം ആദ്യമായി ഫസ്റ്റ്-പാസ്റ്റ്-ദി-പോസ്റ്റ് സംവിധാനം ഉപയോഗിച്ച് മേയർമാരെ തിരഞ്ഞെടുക്കും - അതായത് വോട്ടർമാർക്ക് ഒരു സ്ഥാനാർത്ഥിക്ക് മാത്രമേ വോട്ട് ചെയ്യാൻ കഴിയൂ. മുൻ വർഷങ്ങളിൽ സപ്ലിമെൻ്ററി വോട്ട് സമ്പ്രദായം വഴി വോട്ടർമാർക്ക് അവരുടെ ഒന്നും രണ്ടും മുൻഗണനകൾ തിരഞ്ഞെടുക്കാം. ലണ്ടൻ അസംബ്ലി ലണ്ടൻ അസംബ്ലിയിലെ 25 അംഗങ്ങളെയാണ് ഈ വർഷം തിരഞ്ഞെടുക്കുന്നത്. ലണ്ടൻ അസംബ്ലി അംഗങ്ങൾ മേയറുടെ പദ്ധതികളും ചെലവ് നിർദ്ദേശങ്ങളും സൂക്ഷ്മമായി പരിശോധിക്കുന്നു. പോലീസും ക്രൈം കമ്മീഷണർമാരും ഇംഗ്ലണ്ടിലും വെയിൽസിലുമായി 37 പോലീസ്, ക്രൈം കമ്മീഷണർ തിരഞ്ഞെടുപ്പുകൾ ഉണ്ട്. 2021-ൽ അവസാനമായി തിരഞ്ഞെടുപ്പ് നടന്നപ്പോൾ, മൂന്നിൽ രണ്ട് ഭാഗവും കൺസർവേറ്റീവുകൾ നേടി. എസെക്സ്, സ്റ്റാഫോർഡ്ഷയർ, വെസ്റ്റ് മെർസിയ, നോർത്താംപ്ടൺഷെയർ എന്നിവിടങ്ങളിൽ പിസിസികൾ അവരുടെ പ്രാദേശിക ഫയർ ആൻഡ് റെസ്ക്യൂ സേവനത്തിന് മേൽനോട്ടം വഹിക്കുന്നു. നോർത്ത് യോർക്ക്ഷെയറിലും സൗത്ത് യോർക്ക്ഷെയറിലും പോലീസിൻ്റെ മേൽനോട്ട ചുമതല റീജിയണൽ മേയർക്ക് ലഭിക്കും.  മേയർമാരെപ്പോലെ, ഈ വർഷം ആദ്യമായി ഫസ്റ്റ്-പാസ്റ്റ്-ദി-പോസ്റ്റ് ഉപയോഗിച്ച് പിസിസികളെയും  തിരഞ്ഞെടുക്കും എന്നതാണ് എടുത്തുപറയേണ്ട മറ്റൊരു പ്രത്യേകത. യുകെ മാതൃക പിന്തുടർന്ന് ഉന്നത പോലീസ് ഉദ്യോഗസ്ഥരേയും ജഡ്ജിമാരേയുമൊക്കെ ജനങ്ങൾ നേരിട്ട് തിരഞ്ഞെടുക്കുന്ന രീതി ഇന്ത്യയിലും കേരളത്തിലുമൊക്കെ ഉണ്ടായിരുന്നെങ്കിൽ, ഈ രംഗത്തെ രാഷ്ട്രീയക്കാരുടെ ഇടപെടലുകളും സ്വജനപക്ഷപാതവും ജനദ്രോഹ നടപടികളും  അഴിമതിയുമെല്ലാം നല്ലരീതിയിൽ ഇല്ലാതാക്കാൻ കഴിയുമായിരുന്നു.

ഓസ്‌ട്രേലിയയ്‌ക്കൊപ്പം ന്യൂ സീലാൻഡും സമീപകാലത്ത് ഏറ്റവുമധികം മലയാളി നഴ്‌സുമാർ കുടിയേറിയ രാജ്യങ്ങളാണ്. മെച്ചപ്പെട്ട വേതനത്തിനും തൊഴിൽ സാഹചര്യത്തിനുമൊപ്പം അനുകൂല കാലാവസ്ഥയും യുകെയിൽ സെറ്റിൽഡായ നഴ്‌സുമാരെപ്പോലും  ഈ രാജ്യങ്ങളിലേക്ക് കുടിയേറാൻ പ്രേരിപ്പിച്ചിരുന്നു. എന്നാൽ ഇവിടെയെത്തിയ മലയാളി നഴ്‌സുമാരുടെ സ്വപ്നങ്ങൾ വ്യാമോഹമായി മാറുന്ന വിവരങ്ങളും യാഥാർഥ്യങ്ങളുമാണ് ഇപ്പോൾ പുറത്തുവരുന്നത്. ജോലിക്കായെത്തിയ നഴ്‌സുമാർക്ക് പുറമേ, സ്റ്റുഡന്റ്  വിസയിൽ കുടിയേറിയവരും തൊഴിലും വരുമാനവും കണ്ടെത്താനാകാതെ കഷ്ടപ്പെടുന്നു. വ്യാജവാഗ്ദാനത്തിൽ വിശ്വസിച്ച്  ന്യൂ സീലാൻഡിലെത്തി ജോലിയില്ലാതെ വലയുന്ന മലയാളി നഴ്‌സുമാർ കഴിഞ്ഞ ദിവസം ന്യൂസീലൻഡ് നഴ്സസ് ഓർഗനൈസേഷനുമായി യോജിച്ച് പ്രതിഷേധ റാലി നടത്തുകയും ചെയ്‌തു.  CAP അഥവാ (Competency Assessment Programme) വഴി ജോലിക്കുവന്ന മലയാളി നഴ്‌സുമാരാണ്  കുടുതലും ജോലിയില്ലാതെ കഷ്ടപ്പെടുന്നത്. ഇത് ന്യൂസീലൻഡ് ഗവൺമെന്റിന്റെ ശ്രദ്ധയിൽ കൊണ്ടുവരുന്നതിനായി ന്യൂസീലൻഡ് നഴ്സസ് ഓർഗനൈസേഷനും കേരള അസോസിയേഷൻ ഓഫ് പാൽമെർസ്‌റ്റോൺ നോർത്തും ചേർന്നാണ്  റാലി സംഘടിപ്പിച്ചത്. ഏപ്രിൽ 27ന് പാൽമെർസ്‌റ്റോൺ നോർത്ത് സിറ്റിയുടെ ഹൃയഭാഗമായ സിറ്റി സ്ക്വയറിലാണ് പ്രതിഷേധ റാലി നടത്തിയത്. ന്യൂ സീലാൻഡിൽ ഇപ്പോൾ അഞ്ഞൂറിൽ അധികം മലയാളി നഴ്സുമാർ ജോലിയില്ലാതെ കഷ്ടപ്പെടുന്നുണ്ടെന്നാണ് കണക്കുകൾ. CAP പ്രോഗ്രാം ചെയ്യാനായി വരുന്ന നഴ്‌സുമാർ വിസിറ്റിങ് വീസയിലാണ് വരുന്നതെന്നതാണ് അവരുടെ ജോലിസാധ്യതയെ ബാധിക്കുന്നതെന്നു പറഞ്ഞ്  ലക്ഷങ്ങൾ വാങ്ങി അവരെ ഇവിടെയെത്തിച്ച ഏജന്റുമാരും തടിതപ്പുന്നു. ക്യാപ് പ്രോഗ്രാം വിജയിച്ചു ന്യൂ സീലാൻഡ് നഴ്സിങ് കൗൺസിലിൽ നിന്നും ആനുവൽ പ്രാക്ടീസിങ് സർട്ടിഫിക്കറ്റ് നേടിയ നഴ്സുമാർക്ക് ജോലി അന്വേഷിക്കുന്നതിനായി ഓപ്പൺ വർക്ക് വിസ നൽകണം എന്നതാണ് റാലിയിൽ പങ്കെടുത്ത നഴ്സുമാരുടെ ആവശ്യം.  നിലവിലെ സാഹചര്യത്തിൽ ആറുമാസത്തെ വിസിറ്റിങ് വിസയിൽ വരുന്നവർ CAP പ്രോഗ്രാം കഴിഞ്ഞു പ്രാക്ടീസ് സർട്ടിഫിക്കറ്റ് ലഭിക്കുമ്പോഴേക്കും നാലുമാസത്തോളം ആകുമെന്നതും ബാക്കിയുള്ള രണ്ടുമാസത്തിനുള്ളിൽ ജോലി കണ്ടുപിടിക്കുക ഇപ്പോഴത്തെ സാഹചര്യത്തിൽ പ്രയാസമാണെന്നും നഴ്സുമാർ പറയുന്നു.  പലരും ലോണെടുത്താണ്  ഇവിടെ എത്തിയത്. ചിലവുകൾ നടത്താനാണ് ഈ നഴ്‌സുമാർ ഇവിടെ കൂടുതൽ പാടുപെടുന്നത്. ന്യൂ സീലാൻഡിൽ ഒരുമാസത്തെ വീട്ടുവാടക തന്നെ കുറഞ്ഞത് മുപ്പതിനായിരം രൂപയോളം വരും. മറ്റു ചിലവുകൾ ഉൾപ്പെടെ എഴുപതിനായിരം രൂപയോളം ഒരുമാസത്തെ ചിലവിനുവേണമെന്ന് നഴ്സുമാർ പറയുന്നു.  CAP പ്രോഗ്രാമിന് നഴ്സുമാരെ കൊണ്ടുവരുന്ന ഏജൻസികൾ അഞ്ചുലക്ഷത്തോളം രൂപമുതലാണ്  ഈടാക്കുന്നത്. ഇതു കൂടാതെ അഞ്ചുലക്ഷം രൂപയോളം CAP പ്രോഗ്രാം ഫീസായും കൊടുക്കണം. ഈ വിധത്തിൽ വ്യാജവാഗ്ദാനങ്ങൾ നൽകി റിച്ചായ ഏജന്റുമാർ ജോലി ലഭ്യമാക്കാം എന്നുപറഞ്ഞും പണം വാങ്ങുമെങ്കിലും ഒരുസഹായവും ചെയ്യില്ലെന്നും നഴ്‌സുമാർ പരാതിപ്പെടുന്നു. നഴ്സുമാർ അഭിമുഖീകരിക്കുന്ന ഈ പ്രശ്ങ്ങളെല്ലാം അധികാരികളുടെ ശ്രദ്ധയിൽ പെടുത്തുന്നതിനാണ് നഴ്സുമാരുടെ റാലി നടത്തിയത്. ന്യൂ സീലാൻഡ് നഴ്സസ് ഓർഗനൈസേഷൻ (NZNO) ഡയറക്ടർ സാജു ചെറിയാൻ, NZNO പ്രസിഡന്റ് ആൻ ഡാനിയേൽസ്, കേരള അസോസിയേഷൻ ഓഫ് പാൽമെർസ്‌റ്റോൺ നോർത്ത് പ്രസിഡന്റ് ഷിനോയ് സേവിയർ, എക്സിക്യൂട്ടീവ് കമ്മിറ്റി അംഗം അക്ബർ ഫസൽ എന്നിവർ റാലിയിൽ സംസാരിച്ചു.  10 വർഷംമുമ്പ് യോഗ്യതാ പരീക്ഷയിൽ കൂട്ടത്തോടെ അയോഗ്യരാക്കപ്പെട്ടതോടെ നൂറ്റമ്പതോളം മലയാളി നഴ്‌സുമാർ പ്രതിഷേധ സമരം നടത്തിയിരുന്നു. അതിനുശേഷം ഇതാദ്യമായാണ് ഇങ്ങനെ ഒരു റാലി ന്യൂ സീലൻഡിൽ നടക്കുന്നത്. ഇതിനുപുറമേ കുടിയേറ്റക്കാരുടെ എണ്ണം കുറയ്ക്കുന്നതിനായി ഓസ്‌ട്രേലിയ ഇപ്പോൾ നിയമങ്ങൾ കൂടുതൽ കർശനമാക്കിയിട്ടുമുണ്ട്. നഴ്‌സുമാരും വിദ്യാർത്ഥികളും ഈ രാജ്യങ്ങളിലേക്ക് ജോലിക്കും പഠനത്തിനുമായി പോകുംമുമ്പ് ഇനിമുതൽ രണ്ടുതവണ ആലോചിക്കേണ്ടി വരും എന്നതാണ് നിലവിലെ സാഹചര്യം.

ഇംഗ്ലണ്ടിലെ എൻഎച്ച്എസ് ആശുപത്രികളിൽ സ്ത്രീപുരുഷ വാർഡുകളിലെ രോഗികളുടെ പ്രവേശനങ്ങൾ കൂടുതൽ കർശനമാക്കാൻ സർക്കാർ തയ്യാറെടുക്കുന്നു.  ട്രാൻസ്‌ജെൻഡർ സ്ത്രീകളെ, എൻഎച്ച്എസിലെ സ്ത്രീ - പുരുഷ വാർഡുകളിൽ ഉൾപ്പെടുത്തരുതെന്നും സർക്കാർ നിർദ്ദേശിക്കുന്നു. ഇംഗ്ലണ്ടിനായുള്ള എൻഎച്ച്എസ് ഭരണഘടനയിലെ രാജ്യത്തെ രോഗികൾക്കുള്ള അവകാശങ്ങളുടെ ചാർട്ടറായ മാറ്റങ്ങളുടെ ഭാഗമാണ് ഈ നടപടി. സ്വവർഗ താമസവും അടുപ്പമുള്ള പരിചരണവും വരുമ്പോൾ ഇതാദ്യമായി ബയോളജിക്കൽ സെക്‌സിൻ്റെ പ്രാധാന്യം ഈ നിർദ്ദേശങ്ങൾ ഊന്നിപ്പറയുന്നു. എന്നിരുന്നാലും രണ്ട് സാഹചര്യങ്ങളിലും, സാധ്യമാകുന്നിടത്ത് മാത്രമേ അവകാശങ്ങൾ ലഭ്യമാകൂ. ഉദാഹരണത്തിന്, വർഷങ്ങളായി നിലനിൽക്കുന്ന സ്വവർഗ താമസ അവകാശങ്ങൾ, മറ്റുലിംഗത്തിലുള്ള ഒരു രോഗിയെ പ്രവേശിപ്പിക്കുകയും ചികിത്സിക്കുകയും ചെയ്യേണ്ട അടിയന്തിര ക്ലിനിക്കൽ ആവശ്യമുണ്ടെങ്കിൽ നിയമം ലംഘിക്കപ്പെടാം. ഏകലിംഗ പുരുഷ വാർഡുകളിൽ ട്രാൻസ് പുരുഷന്മാരെ പാർപ്പിക്കരുതെന്നും മാർഗ്ഗനിർദ്ദേശത്തിൽ പറയുന്നു. പുതിയ നിർദ്ദേശങ്ങൾ:  ലിംഗഭേദം അവരുടെ ജൈവിക ലിംഗത്തിൽ നിന്ന് വ്യത്യസ്തമായ ട്രാൻസ്‌ജെൻഡർ ആളുകൾക്ക് അനുയോജ്യമായിടത്ത് ഒറ്റമുറികൾ നൽകാം. ഒരു ജൈവ ലിംഗത്തിലുള്ള രോഗിക്ക് അതേ ലിംഗത്തിലുള്ള  മറ്റൊരാൾ പരിചരണം നൽകണമെന്ന് അഭ്യർത്ഥിക്കാൻ അവകാശമുണ്ട്. "ലൈംഗികത പ്രധാനം" എന്ന് വ്യക്തമാക്കുന്നതാണ് ഇതെന്ന് ആരോഗ്യ സെക്രട്ടറി വിക്ടോറിയ അറ്റ്കിൻസ് പറഞ്ഞു. “ഒരു രോഗിക്ക് സ്വവർഗ പരിചരണം വേണമെങ്കിൽ, ന്യായമായും സാധ്യമാകുന്നിടത്തെല്ലാം അതിലേക്ക് പ്രവേശനം ഉണ്ടായിരിക്കണമെന്ന് ഞങ്ങൾ വളരെയധികം വ്യക്തമാക്കാൻ ആഗ്രഹിക്കുന്നു”.ഈ വർഷാവസാനം ഭരണഘടന അപ്‌ഡേറ്റ് ചെയ്യുന്നതിന് മുമ്പ്, എല്ലാ മാറ്റങ്ങളും അടുത്ത എട്ടാഴ്ചയ്ക്കുള്ളിൽ കൺസൾട്ടേഷനായി വയ്ക്കും. അതേസമയം പദ്ധതിയെ ലേബറുകൾ വിമർശിച്ചു. “കടലാസിലെ അവകാശങ്ങൾ പ്രായോഗികമായി നടപ്പാക്കാനായില്ലെങ്കിൽ അവ വിലപ്പോവില്ല.” ലേബറിൻ്റെ ഷാഡോ ഹെൽത്ത് സെക്രട്ടറി വെസ് സ്ട്രീറ്റിംഗ് പറഞ്ഞു. 

സ്കോട്ട്ലാൻഡ് ഫസ്റ്റ് മിനിസ്റ്റർ ഹംസ യൂസഫ് ഉടൻ രാജിവച്ചേക്കും. ഈയാഴ്ച്ച തന്നെ രണ്ട് അവിശ്വാസ വോട്ടുകൾ നേരിടേണ്ടി വന്ന സാഹചര്യത്തിലാണ് ഹംസയുടെ രാജി തീരുമാനമെന്ന് അറിയുന്നു. അതേസമയം രാജി ഇപ്പോൾ ഒരു സാധ്യത മാത്രമാണെന്നും  എന്നാൽ അന്തിമ തീരുമാനമെടുത്തിട്ടില്ലെന്നും യൂസഫുമായി അടുത്തവൃത്തങ്ങൾ പറഞ്ഞു. സർക്കാരിന് പിന്തുണ നൽകിയിരുന്ന സ്കോട്ടിഷ് ഗ്രീൻസ് പാർട്ടിയുമായുള്ള അധികാരം പങ്കിടൽ കരാർ കഴിഞ്ഞ വ്യാഴാഴ്ച എസ്എൻപി പെട്ടെന്ന് അവസാനിപ്പിച്ചതിന് ശേഷം യൂസഫ് ഫസ്റ്റ്  മിനിസ്റ്റർ എന്നനിലയിൽ പിടിച്ചുനിൽക്കാൻ പാടുപെടുകയാണ്. അലക്‌സ് സാൽമണ്ടിൻ്റെ ആൽബ പാർട്ടിയുമായുള്ള കരാറും യൂസഫ് നിരാകരിച്ചതായി മനസ്സിലാക്കുന്നു, യൂസഫ്  മന്ത്രിസഭയ്ക്ക്  അവിശ്വാസ വോട്ടിനെ അതിജീവിക്കാനുള്ള പ്രതീക്ഷ ഇപ്പോൾ സ്കോട്ടിഷ് ഗ്രീൻസിനെ ആശ്രയിച്ചിരിക്കുന്നു. ഇവരുടെ പിന്തുണയെല്ലാം നഷ്ടപ്പെട്ടാൽ, ബുധനാഴ്ച മുതൽ നടന്നേക്കാവുന്ന അവിശ്വാസ വോട്ടെടുപ്പിനെ അതിജീവിക്കാൻ യൂസഫിനു ഹോളിറൂഡിലെ ഒരു പ്രതിപക്ഷ അംഗത്തിൻ്റെയെങ്കിലും പിന്തുണ ആവശ്യമാണ്. പ്രധാന പാർട്ടികളിൽ നിന്നുള്ള പ്രിസൈഡിംഗ് ഓഫീസറും എംഎസ്പിമാരും അടങ്ങുന്ന പാർലമെൻ്ററി ബ്യൂറോ, ഈ ആഴ്ച വോട്ടെടുപ്പ് എപ്പോൾ നടത്തുമെന്ന് തീരുമാനിക്കുകയും സാധാരണയായി രണ്ട് ദിവസത്തെ നോട്ടീസ് നൽകുകയും ചെയ്യും. ബ്യൂട്ട് ഹൗസ് എഗ്രിമെൻ്റ് എന്നറിയപ്പെടുന്ന ഗ്രീൻസുമായുള്ള ഇടപാട് ഒഴിവാക്കിയത്, സർക്കാരിലെ മുൻ പങ്കാളികളിൽ നിന്ന് എതിർപ്പുള്ള പ്രതികരണത്തിന് കാരണമായി. യൂസഫ് ഈ ആഴ്ച രണ്ട് അവിശ്വാസ പ്രമേയങ്ങളെ അഭിമുഖീകരിക്കുന്നു, ഒന്ന് സ്കോട്ടിഷ് കൺസർവേറ്റീവുകൾ എതിർപ്പുള്ള ഫസ്റ്റ്  മിനിസ്റ്റർ എന്ന നിലയിൽ അവതരിപ്പിച്ചു, മറ്റൊന്ന് സ്കോട്ടിഷ് ലേബറിൽ നിന്ന് യൂസഫിന്റെ നേതൃത്വത്തിലുള്ള മുഴുവൻ സർക്കാരും രാജിവയ്ക്കാൻ നിർബന്ധിതരാകും. സ്കോട്ടിഷ് കൺസർവേറ്റീവുകൾ, ലേബർ, ലിബറൽ ഡെമോക്രാറ്റുകൾ എന്നിവർ യൂസഫിനെതിരെ വോട്ട് ചെയ്യുമെന്ന് ഇതിനകം പറഞ്ഞിട്ടുണ്ട്. 129 സീറ്റുകളുള്ള പാർലമെൻ്റിൽ എസ്എൻപിക്ക് 63 എംഎസ്പികളുണ്ട്, അതിനാൽ ഏഴ് ഗ്രീൻ എംഎസ്പികൾ തനിക്കെതിരെ വോട്ട് ചെയ്താൽ, റോളിൽ തുടരാൻ ഏക ആൽബ പാർട്ടി എംഎസ്പി ആഷ് റീഗൻ്റെ പിന്തുണയെ ആശ്രയിക്കേണ്ടിയും വന്നേക്കും. അത് 64:64 ടൈ വോട്ടിലേക്ക് നയിക്കും, ഈ സാഹചര്യത്തിൽ പ്രിസൈഡിംഗ് ഓഫീസർ തൽസ്ഥിതി നിലനിർത്താൻ വോട്ടുചെയ്യുമെന്ന് പ്രതീക്ഷിക്കുന്നു. ഗവൺമെൻ്റ് വോട്ടിൽ യുസഫ് പരാജയപ്പെട്ടാൽ, ഒരു പുതിയ ആദ്യ മന്ത്രിക്ക് വേണ്ടി വോട്ട് ചെയ്യാൻ MSP-കൾക്ക് 28 ദിവസത്തെ സമയം ലഭിക്കും അല്ലെങ്കിൽ ഒരു സ്കോട്ടിഷ് പാർലമെൻ്റ് തിരഞ്ഞെടുപ്പിന് സ്വയമേവ തുടക്കമിടും.

ആഗോള പ്രവാസി മലയാളികളിൽ ഞെട്ടലുണർത്തി, രണ്ടുരാജ്യത്തെ വാഹന അപകടങ്ങളിലായി 6 പേർ കൊല്ലപ്പെട്ടു. ദാരുണമായി മരണപ്പെട്ടവരിൽ രണ്ടുകുട്ടികൾ അടങ്ങുന്ന അമേരിക്കൻ മലയാളി കുടുംബവും ഒമാനിലെ രണ്ട്  മലയാളി നഴ്‌സുമാരും ഉൾപ്പെടുന്നു. പത്തനംതിട്ട  കൊടുമൺ ചെറുകര സ്വദേശി സൗത്ത് ബേ ടെക് കമ്പനി ഉദ്യോഗസ്ഥനായ തരുൺ ജോർജ്, ഭാര്യ റിൻസി, രണ്ടു മക്കൾ എന്നിവരാണ് അമേരിക്കയിലെ കാറപകടത്തിൽ മരിച്ചത്. കാലിഫോർണിയ ∙ സാൻ ഫ്രാൻസിസ്‌കോ ബേയ്ക്കടുത്ത് പ്ലസന്റണിലാണ് നാലംഗ മലയാളി കുടുംബം സഞ്ചരിച്ചിരുന്ന ഇലക്ട്രിക് കാർ അപകടത്തിൽപ്പെട്ടത്. സ്റ്റോൺറിഡ്ജ് ഡ്രൈവിന് സമീപമുള്ള റോഡിൽ ബുധനാഴ്ച രാത്രി 9.30 നായിരുന്നു അപകടം. ഇവർ സഞ്ചരിച്ച ഇലക്ട്രിക് കാർ പോസ്റ്റിൽ ഉരസിയശേഷം ഓക്ക് മരത്തിൽ ഇടിക്കുകയായിരുന്നുവെന്നു ദൃക്സാക്ഷികൾ പറഞ്ഞു.  അപകടത്തിന് പിന്നാലെ തീ പിടിച്ച ഇലക്ട്രിക് കാർ പൂർണമായും കത്തി നശിച്ചു. മൃതദേഹങ്ങൾ കത്തിക്കരിഞ്ഞ നിലയിലായിരുന്നു. അമിത വേഗതയോ കാറിന്റെ നിയന്ത്രണം നഷ്ടപ്പെട്ടതോ  അപകടത്തിന് കാരണമായതായി സംശയിക്കുന്നു. അന്വേഷണ ഉദ്യോഗസ്ഥർ എത്തിയപ്പോളും കാറിലെ  തീ അണഞ്ഞിരുന്നില്ല. സമഗ്രമായ അന്വേഷണം നടത്തുകയാണെന്ന്  പ്ലസന്റൺ പൊലീസ് വ്യക്തമാക്കി. കുട്ടികൾ പ്ലസന്റൺ സ്‌കൂളിലെ വിദ്യാർഥികളാണെന്ന് യൂണിഫൈഡ് സ്കൂൾ ഡിസ്ട്രിക്ട് വ്യക്തമാക്കി. കുട്ടികളിൽ ഒരാൾ മിഡിൽ സ്കൂളിലും മറ്റൊരാൾ എലിമെന്ററി ക്ലാസിലുമാണ് പഠിക്കുന്നത്. ചെന്നൈ അണ്ണാനഗർ ഈസ്റ്റിൽ താമസിക്കുന്ന ജോർജ് സി. ജോർജ് – അനിത ദമ്പതികളുടെ മകനാണ് തരുൺ ജോർജ്. തരുൺ ജോർജിന്റെ കുടുംബം വർഷങ്ങളായി ചെന്നൈയിലാണ് താമസം. സഹോദരി : റ്റാനിയ. പിതാവ് ജോർജ് സി ജോൺ പത്തനംതിട്ട കൊടുമൺ സ്വദേശിയാണ്. ചെന്നൈ അണ്ണാ നഗർ മാർത്തോമ്മാ ഇടവക അംഗങ്ങളാണ്. സുഹൃത്തുക്കളും അയൽവാസികളും അടക്കം നിരവധിപേർ അപകട സ്ഥലത്ത് എത്തി ആദരാഞ്ജലികൾ അർപ്പിച്ചു. നിരവധി വളവുകളും മരങ്ങൾ നിറഞ്ഞതുമായ ഫുട്ട്ഹിൽ റോഡിൽ നിരവധി അപകടങ്ങൾ പതിവായി നടക്കാറുണ്ടെന്ന് പരിസരവാസികൾ പറയുന്നു.ഒമാനിലെ മസ്ക്കറ്റിലുള്ള നിസ്‌വ ഹോസ്പിറ്റലിന് മുന്‍വശത്ത്വ്യാഴാഴ്ചയായിരുന്നു  രണ്ട്  മലയാളി നഴ്‌സുമാർ അടക്കം മൂന്ന് നഴ്‌സുമാരുടെ ജീവനെടുത്ത വാഹനാപകടം.  ജോലിചെയ്‌തിരുന്ന ഹോസ്പിറ്റലിന് മുൻവശത്ത് ഹൈവേ റോഡ് ക്രോസ്സ് ചെയ്യാനായി നിന്നിരുന്ന നഴ്‌സുമാരുടെ ഇടയിലേക്ക് കാറുകൾ പാഞ്ഞുകയറിയായിരുന്നു ദാരുണമായ അപകടം.  അതിവേഗതയിൽ വന്ന രണ്ട്  വാഹനങ്ങൾ കൂട്ടിയിടിക്കുകയും നഴ്‌സുമാരുടെ ഇടയിലേക്ക് പാഞ്ഞുകയറുകയും ആയിരുന്നുവെന്ന് സംഭവത്തിന് ദൃസ്സാക്ഷികൾ പറഞ്ഞു.  അപകടത്തിൽ പരുക്കേറ്റ രണ്ട്  മലയാളി നഴ്‌സുമാർ ഇപ്പോഴും ആശുപത്രിയിൽ ചികിത്സയിൽ കഴിയുന്നു. ഇവർക്കൊപ്പം നഴ്‌സായി ജോലിചെയ്തിരുന്ന ഒരു ഈജിപ്റ്റ് സ്വദേശിയും മരണപ്പെട്ടു. തൃശൂര്‍ ഇരിങ്ങാലക്കുട സ്വദേശി മജീത രതീഷ്, കൊല്ലം കൊട്ടിയം സ്വദേശി ഷര്‍ജ ഇല്‍യാസ് എന്നിവരാണ് മരണപ്പെട്ടത്..  രണ്ടുമലയാളി നഴ്‌സുമാരുടെയും ഭൗതികശരീരം ഞായറാഴ്ച രാവിലെ തിരുവനന്തപുരം, നെടുമ്പാശ്ശേരി വിമാനത്താവളങ്ങള്‍ വഴി നാട്ടില്‍ എത്തിച്ചിട്ടുണ്ട്. നിസ്‌വ ഇന്ത്യന്‍ അസോസിയേഷന്‍, നിസ്‌വ കെ എം സി സി, കൈരളി എന്നിവരുടെ നേതൃത്വത്തിലാണ്  മൃതദേഹം നാട്ടിലെത്തിച്ചത്.

യുകെയിലെ തൊഴിൽ മേഖല  "സിക്ക് നോട്ട് കൾച്ചർ" എന്ന വേതനമുള്ള അവധിയുടെ നീരാളിപ്പിടുത്തത്തിൽ ആണെന്ന് ഒരാഴ്ച്ച മുമ്പാണ് പ്രധാനമന്ത്രി ഋഷി സുനക്ക്  വിശേഷിപ്പിച്ചത്.    ഇത് സർക്കാരിന് വലിയ ചെലവുണ്ടാക്കുന്നു. വരുമാന നഷ്‌ടം  നേരിടാനുള്ള പദ്ധതിയുടെ ഭാഗമായി ആളുകളെ അകാരണമായി ജോലിയിൽ നിന്ന് ഒഴിവാക്കാനുള്ള ജിപിമാരുടെ അധികാരം ഇല്ലാതാക്കാൻ പ്ലാനുകൾ തയാറാക്കുമെന്നും ഋഷി സുനക്ക്  പറഞ്ഞു. ആനുകൂല്യങ്ങൾ ചിലർക്ക് ഒരു "ലൈഫ്സ്റ്റൈൽ ചോയ്‌സ്" ആയി മാറിയെന്ന് പ്രധാനമന്ത്രി പരിഹസിച്ചു. ഇത് സർക്കാർ ഫണ്ടിൽ നിന്നുള്ള വമ്പൻ ക്ഷേമ ബില്ലിന് കാരണമാകുന്നു. പൊതുതിരഞ്ഞെടുപ്പിൽ ടോറികൾ വിജയിക്കുകയാണെങ്കിൽ,  നിസ്സാര രോഗങ്ങൾക്കുപോലും സിക്ക് നോട്ട് നൽകുന്ന പരിപാടികൾ ജിപിമാർ അവസാനിപ്പിക്കും. ജിപിമാർക്ക് പുറമെ, ചില സീനിയർ നഴ്‌സുമാർ, ഫാർമസിസ്റ്റുകൾ എന്നിവർക്കും നിലവിൽ സിക്ക് നോട്ടുകൾ നൽകാനുള്ള  അധികാരമുണ്ട്. ഇതെല്ലം ഇല്ലാതാക്കുമെന്നും യഥാർത്ഥ അസുഖമുള്ളവർക്ക് മാത്രം ശമ്പളത്തോടെയുള്ള സിക്ക് ലീവ് നൽകുന്ന രീതി നടപ്പാക്കുമെന്നുമാണ് ഋഷി സുനക്കിന്റെ വാദം. ഇതിനായുള്ള കൺസൾട്ടേഷനും  ഉടൻ ആരംഭിക്കും. എന്നാൽ ഈ അഭിപ്രായത്തോട് ശക്തമായ വിയോജിപ്പും പ്രതിഷേധവുമായി രോഗികളുടെ ചാരിറ്റി സംഘടനകൾ ഉൾപ്പടെയുള്ളവർ രംഗത്തെത്തി.പൊതുമേഖലാ ജീവനക്കാർക്ക് പുറമേ, നഴ്‌സുമാർ ഉൾപ്പടെയുള്ള എൻഎച്ച്എസ് സ്റ്റാഫുകളുടെ സംഘടനകളും പ്രതിഷേധം അറിയിച്ചിട്ടുണ്ട്. പ്രധാനമന്ത്രിയുടെ ഈ തീരുമാനം തിരഞ്ഞെടുപ്പിൽ  ടോറികൾക്ക് തിരിച്ചടിയാകുമോ എന്ന സംശയം ടോറി നേതൃകാമ്പിൽ നിന്നുതന്നെ വന്നിട്ടുണ്ട്. പ്രതിഷേധം കടുത്താൽ തീരുമാനത്തിൽ നിന്ന് ഋഷി സുനക്കിന്  പിന്മാറേണ്ടി വന്നേക്കും.  എന്നാൽ യുകെയിലെ തൊഴിൽ രഹിതരായ യുവാക്കളുടെ എണ്ണം 28 ലക്ഷം കഴിഞ്ഞുവെന്നും ഈ സാഹചര്യത്തിൽ അതിനോട് സർക്കാരിന് പുറംതിരിഞ്ഞ് നില്ക്കാൻ കഴില്ലെന്നുമാണ് തീരുമാനത്തെ ന്യായീകരിച്ച് ഋഷി സുനക്ക്  പറഞ്ഞത്. നിലവിലെ പുതിയ നിയമമനുസരിച്ച് 2024 ഏപ്രിൽ 8 മുതൽ, തുടർച്ചയായി നാല് ദിവസത്തിൽ കൂടുതൽ രോഗബാധിതരായ, ആഴ്ചയിൽ £123-ൽ കൂടുതൽ വരുമാനമുള്ള ജീവനക്കാർക്ക്, അവധിയെടുക്കുന്നതിന്റെ  നാലാംദിവസം മുതൽ ആഴ്ചയിൽ £116.75 എന്ന സ്റ്റാറ്റ്യൂട്ടറി സിക്ക് പേയ്ക്ക് (SSP) അർഹതയുണ്ട്.. ഇത് 28 ആഴ്ച വരെ ലഭിക്കും.

കേരളം ഇന്ന് പോളിംഗ് ബൂത്തിലേക്ക് പോകുന്നു.  പതിനെട്ടാം ലോക്സഭയിലേക്കുള്ള തിരഞ്ഞെടുപ്പിന്റെ രണ്ടാംഘട്ടമാണ് ഇന്ന് അരങ്ങേറുന്നത്. ഇന്ത്യയെ ഭരിക്കുന്ന കേന്ദ്രസർക്കാരിനെ തിരഞ്ഞെടുക്കാനുള്ള ദേശീയ തിരഞ്ഞെടുപ്പിൽ വോട്ടുചെയ്യാൻ ഇത്തവണ വിദേശത്തുനിന്നെത്തിയത് റെക്കോർഡ് നമ്പർ പ്രവാസികളാണെന്ന് കണക്കുകൾ തെളിയിക്കുന്നു. കഴിഞ്ഞ രണ്ടുദിവസത്തിനിടയിൽ യുകെയും യുഎസും യൂറോപ്പും ഗൾഫ് രാജ്യങ്ങളുമടക്കം സ്ഥലങ്ങളിൽ നിന്നും കേരളത്തിലേക്കെത്തിയത് 22,000-ത്തിലധികം എൻആർഐകളാണെന്ന് റിപ്പോർട്ട് ചെയ്യപ്പെടുന്നു.  "വോട്ട് ഫ്ലൈറ്റുകൾ" എന്ന്  പ്രവാസികൾ വിശേഷിപ്പിക്കാറുള്ള ഈ പ്രതിഭാസം സാധാരണ ഗൾഫ് രാജ്യങ്ങളിലാണ് കണ്ടുവരാറുള്ളത്. എന്നാൽ ഇക്കൊല്ലം വിഭിന്നമായി അത് പാശ്ചാത്യ രാജ്യത്തെ പ്രവാസികളിലേക്കും വ്യാപിച്ചു. സൗജന്യമായി നാട്ടിലെത്താം എന്നതിനാൽ ഗൾഫ് രാജ്യങ്ങളിൽ പലരും അവധിക്കുള്ള നാട്ടിലേക്ക് വരവുവരെ തിരഞ്ഞെടുപ്പ് ദിവസവുമായി ബന്ധപ്പെടുത്തിയാണ് ഇപ്പോൾ തീരുമാനിക്കുന്നത്. കുറഞ്ഞനിരക്കിലുള്ള ടിക്കറ്റുകൾ ഓഫർ ചെയ്‌തും ചാർട്ടേർഡ് വിമാനങ്ങൾ ഓഫർ ചെയ്‌തും  പോക്കുവരവിനുള്ള വിസ സംവിധാനങ്ങൾ ഏർപ്പെടുത്തിയുമൊക്കെയാണ് വിവിധ രാഷ്ട്രീയ പാർട്ടികളുടെ വിദേശ രാജ്യങ്ങളിലെ പോഷക സംഘടനകൾ പ്രവാസികളെ കൂട്ടത്തോടെ നാട്ടിലെത്തിക്കുന്നത്. കഴിഞ്ഞ നിയമസഭാ തിരഞ്ഞെടുപ്പിലേറ്റ ദയനീയ പരാജയമാണ് യുകെയിലെയും യൂറോപ്പിലെയും പ്രവാസികളെ കൂട്ടത്തോടെ നാട്ടിലെത്തിക്കാൻ ഒരു ദേശീയപ്പാർട്ടിയെ ഇത്തവണ പ്രേരിപ്പിച്ചതെന്ന് പറയുന്നു. കേരളത്തിൽ നിന്നുള്ള പ്രവാസികൾ ഭൂരിഭാഗവും നിലവിൽ ഗൾഫ് രാജ്യങ്ങളിൽ നിന്നുള്ളവരാണ്. സംസ്ഥാന ചീഫ് ഇലക്ടറൽ ഓഫീസറുടെ ഓഫീസ് പ്രസിദ്ധീകരിച്ച അന്തിമ വോട്ടർ പട്ടിക പ്രകാരം കേരളത്തിൽ രജിസ്റ്റർ ചെയ്ത 89,839 എൻആർഐ വോട്ടർമാരാണുള്ളത്.  ഗൾഫ് രാജ്യങ്ങളിൽ നിന്നുമാത്രമായി എൻആർഐ വോട്ടർമാരുമായി 12 ചാർട്ടേഡ് വിമാനങ്ങൾ കേരളത്തിലേക്ക് യാത്രചെയ്യാൻ ബുക്ക് ചെയ്തിരുന്നു. ഇതിൽപ്പെട്ട പ്രവാസികളേയും  വഹിച്ചുള്ള യുണൈറ്റഡ് അറബ് എമിറേറ്റ്‌സിൽ (യുഎഇ) നിന്നുള്ള അവസാന ചാർട്ടേഡ് വിമാനവും വ്യാഴാഴ്ചയെത്തി. കേരളത്തിലെ വിവിധ രാഷ്ട്രീയ പാർട്ടികളുമായി ബന്ധമുള്ള നിരവധി പ്രവാസി സംഘടനകൾ ട്രാവൽ ഏജൻസികളുമായി സഹകരിച്ച് മിതമായ നിരക്കിൽ വിമാന ടിക്കറ്റ് ബുക്ക് ചെയ്തിട്ടുണ്ട്. കോൺഗ്രസ് നേതൃത്വത്തിലുള്ള യുണൈറ്റഡ് ഡെമോക്രാറ്റിക് ഫ്രണ്ടിൻ്റെ (യുഡിഎഫ്) സ്രോതസ്സുകൾ പ്രകാരം, ഗൾഫിലെ ഏറ്റവും വലിയ ഇന്ത്യൻ പ്രവാസി സംഘടനയായ കേരള മുസ്ലീം കൾച്ചറൽ സെൻ്റർ പോലെയുള്ള ഇന്ത്യൻ യൂണിയൻ മുസ്ലീം ലീഗിലും  (IUML) കോൺഗ്രസിലും അഫിലിയേറ്റ് ചെയ്ത സംഘടനകൾ; പ്രിയദർശിനി കോൺഗ്രസ്; കൂടാതെ ഖത്തർ ആസ്ഥാനമായുള്ള INCAS; യുകെയിലെയും യൂറോപ്പിലെയും ഒഐസിസി സംഘടനകൾ, ഇടതുപക്ഷവുമായി ബന്ധപ്പെട്ടുള്ള സംഘടനകൾ എല്ലാം ഇത്തവണ ഊർജിതമായി പ്രവാസികളുടെ വോട്ട് ഫ്‌ളൈറ്റുകൾ  ഏകോപിപ്പിക്കുന്നതിനും സുഗമമാക്കുന്നതിനും പ്രവർത്തിച്ചതായാണ് വിവരം. ഇത്തരം "വോട്ട് ഫ്ലൈറ്റുകൾ" കേരളത്തിലെ എല്ലാ തെരഞ്ഞെടുപ്പുകളിലും ഒരു പതിവ് കാഴ്ചയാണ്. എന്നാൽ മുൻ തെരഞ്ഞെടുപ്പുകളെ അപേക്ഷിച്ച് ഇത്തവണ എണ്ണം വർധിച്ചിട്ടുണ്ട്. ചില മണ്ഡലങ്ങളിലെ സ്ഥാനാർത്ഥികൾ ഗൾഫ് രാജ്യങ്ങളിൽ നേരിട്ടെത്തിയും പ്രചാരണം നടത്തിയിരുന്നു. വടകരയിലെ ഷാഫി പറമ്പിൽ ഉദാഹരണം. അതുപോലെ അവധിക്കാലത്ത് നാട്ടിലെത്തിയ പ്രവാസികളോടും ഏപ്രിൽ 26 ന് ശേഷമാക്കി യാത്ര മാറ്റിവയ്ക്കാൻ പാർട്ടികൾ അഭ്യർത്ഥിച്ചിരുന്നു. യുകെയിൽ നിന്നും പതിവിലേറെ മലയാളികൾ ഇത്തവണ വോട്ടെടുപ്പ് കാലത്ത് നാട്ടിലെത്തിയിട്ടുണ്ട്. അവരിൽ കൂടുതലും കോട്ടയം ജില്ലയിലാണ് എത്തിയിട്ടുള്ളത്. പതിവുപോലെ ഇരുമുന്നണികളും മുഴുവൻ സീറ്റിലും വിജയാവകാശം ഉന്നയിക്കുന്നു. എന്നാൽ ക്രിസ്ത്യൻ വോട്ട് ബാങ്കുകൾ ഇളക്കിമറിക്കാൻ ശ്രമിച്ചത് ഫലംകണ്ടാൽ, ഫിലിം സ്റ്റാർ സുരേഷ് ഗോപിയിലൂടെ തൃശൂരിൽ ഇത്തവണയെങ്കിലും അക്കൗണ്ട് തുറക്കാൻ കഴിയുമെന്ന പ്രതീക്ഷയിലാണ് ബിജെപി. ഒരു തിരഞ്ഞെടുപ്പുകൂടി നടക്കുമ്പോഴും സ്വന്തം താമസസ്ഥലത്തിരുന്നുള്ള ഓൺലൈനിലൂടെയുള്ള ‘പ്രവാസി വോട്ട്’  എന്ന ആഗോള പ്രവാസികളുടെ ആവശ്യം ഇപ്പോഴും പൂവണിയാത്ത ഒരു സ്വപ്‌നം  മാത്രമായി അവശേഷിക്കുന്നു.

ഇന്ത്യൻ പൗരന്മാർക്കായി പ്രത്യേകം രൂപകൽപ്പന ചെയ്ത, നവീകരിച്ച ഷെൻഗെൻ വിസ സംവിധാനം യൂറോപ്യൻ യൂണിയൻ അവതരിപ്പിച്ചു. ഈ പുതിയ സംവിധാനം ഇന്ത്യൻ പൗരന്മാർക്ക് കൂടുതൽ  നേട്ടങ്ങൾ വാഗ്ദാനം ചെയ്യുന്നു,  പുതിയമാറ്റത്തിൽ ദീർഘകാല, മൾട്ടി-എൻട്രി ഷെൻഗെൻ വിസകളിൽ ഇന്ത്യക്കാർക്ക് ഇയു അംഗരാജ്യങ്ങളിലേക്കുള്ള പ്രവേശനം അനുവദിക്കുന്നു. ഇത് യാത്രാപദ്ധതികൾ കാര്യക്ഷമമാക്കുകയും ഷെൻഗെൻ രാജ്യങ്ങളിലേക്ക് കടക്കുന്നവർക്ക് കൂടുതൽ യാതാസൗകര്യവും അനുഭവങ്ങളും  ലഭ്യമാക്കുകയും  ചെയ്യും. എന്താണ് ഷെങ്കൻ വിസ? റിപ്പബ്ലിക് ഓഫ് അയർലൻഡും സൈപ്രസും ഒഴികെയുള്ള 27 യൂറോപ്യൻ യൂണിയൻ രാജ്യങ്ങളിൽ 25 രാജ്യങ്ങൾ ഉൾപ്പെടുന്നതാണ് ഷെൻഗെൻ ഏരിയ. ബെൽജിയം, ഫ്രാൻസ്, ജർമ്മനി, ഇറ്റലി, സ്പെയിൻ, ഐസ് ലാൻഡ്, ലിച്ചെൻസ്റ്റീൻ, നോർവേ, സ്വിറ്റ്സർലൻഡ് തുടങ്ങിയ രാജ്യങ്ങളും ഇതിൽ ഉൾപ്പെടുന്നു. ഈ വിശാലമായ പ്രദേശം സന്ദർശകർക്ക്  വൈവിധ്യമാർന്ന സാംസ്കാരിക അനുഭവങ്ങൾ പ്രദാനം ചെയ്യുക മാത്രമല്ല, വിസയുള്ളവർക്ക് രാജ്യങ്ങളുടെ അതിർത്തികളിലൂടെ തടസ്സങ്ങളില്ലാതെ യാത്ര സുഗമമാക്കുകയും ചെയ്യുന്നു. 180 ദിവസത്തെ സമയപരിധിക്കുള്ളിൽ 90 ദിവസം വരെ ഹ്രസ്വമായ താമസം ഒരു ഷെൻഗെൻ വിസ അനുവദിക്കുന്നു. ഈ വിസ ഒന്നുകിൽ സിംഗിൾ എൻട്രി ആയി ലഭിക്കാം. ഇത് ഷെൻഗെൻ ഏരിയയിലേക്ക് ഒരുതവണ പ്രവേശനം സാധ്യമാക്കുന്നു. അല്ലെങ്കിൽ ഒന്നിലധികം പ്രവേശനം അനുവദിക്കുന്ന മൾട്ടി എൻട്രി വിസകൾ അതായത് വിസയ്ക്ക് സാധുതയുള്ള കാലയളവിൽ ഒന്നിലധികം തവണ സന്ദർശനങ്ങൾ അനുവദിക്കുന്നു. പുതിയ നിയമങ്ങൾ ഇന്ത്യക്കാരെ എങ്ങനെ ബാധിക്കുന്നു? പുതിയ നിയമപ്രകാരം, ഇന്ത്യൻ യാത്രക്കാർക്ക് ഇപ്പോൾ രണ്ട് വർഷത്തെ ഷെൻഗെൻ വിസ ലഭിക്കും. ഇത് മുമ്പ് ലഭ്യമായ കുറഞ്ഞ സാധുത കാലയളവുകളിൽ നിന്ന് ശ്രദ്ധേയമായ മാറ്റമാണ്. രണ്ട് വർഷത്തെ ഈ വിപുലീകൃത വിസയ്ക്ക് യോഗ്യത നേടുന്നതിന്, അപേക്ഷകർ കഴിഞ്ഞ മൂന്ന് വർഷത്തിനുള്ളിൽ രണ്ട് ഷെങ്കൻ വിസകൾ നേടുകയും ഉചിതമായ രീതിയിൽ ഉപയോഗിക്കുകയും ചെയ്തിരിക്കണം.  രണ്ട് വർഷത്തെ വിസ വിജയകരമായി വിനിയോഗിക്കുമ്പോൾ, യാത്രക്കാർക്ക് അവരുടെ പാസ്‌പോർട്ട് മതിയായ കാലാവധി സാധുത നിലനിർത്തുന്നുണ്ടെങ്കിൽ, അഞ്ച് വർഷത്തെ ഷെൻഗെൻ വിസയ്ക്ക് യോഗ്യനാകുമെന്ന് പ്രതീക്ഷിക്കാം. അധിക പെർമിറ്റുകളുടെയോ അംഗീകാരത്തിൻ്റെയോ ആവശ്യമില്ലാതെ, ഇന്ത്യൻ യാത്രക്കാർക്ക് 180 ദിവസത്തിനുള്ളിൽ 90 ദിവസം വരെ ഹ്രസ്വകാല താമസത്തിനായി ഷെൻഗെൻ അംഗരാജ്യങ്ങളിൽ സ്വതന്ത്രമായി സഞ്ചരിക്കാമെന്നാണ് പുതിയ നിയമങ്ങൾ പ്രധാനമായും പറയുന്നത്. ഈ സംവിധാനത്തിന് കീഴിൽ, യാത്രയുടെ തെളിയിക്കപ്പെട്ട ട്രാക്ക് റെക്കോർഡുള്ള യോഗ്യരായ യാത്രക്കാർക്ക് അവരുടെ പാസ്‌പോർട്ടിൻ്റെ സാധുത പെർമിറ്റുകൾ നൽകിയാൽ, വിപുലീകൃത സാധുതയുള്ള വിസകളിലേക്കുള്ള പ്രവേശനം എളുപ്പമാകും. 'കാസ്‌കേഡ്' സിസ്റ്റം എന്ന് വിളിക്കപ്പെടുന്നതുപോലെ, ക്രമാനുഗതമായി ദൈർഘ്യമേറിയ വിസ കാലാവധിയുള്ള പതിവ് യാത്രക്കാർക്ക് പ്രചോദനം നൽകുന്നതിനാണ് ഇത് രൂപകൽപ്പന ചെയ്തിരിക്കുന്നത്. ഇത് രണ്ട് വർഷത്തെ വിസ കാലാവധിയിൽ ആരംഭിക്കുന്നു. വിജയകരമായ ഉപയോഗത്തിന് ശേഷം, യാത്രക്കാർക്ക് അഞ്ച് വർഷത്തെ വിസയ്ക്ക് യോഗ്യത നേടാനാകും.  ഈ വിസകൾ യാത്രയുടെ സന്ദർശന ഉദ്ദേശ്യത്തെ പരിമിതപ്പെടുത്തുന്നില്ലെങ്കിലും, ഷെൻഗെൻ ഏരിയയിൽ ജോലിചെയ്യാനുള്ള അവകാശം അനുവദിക്കുന്നില്ല. യൂറോപ്യൻ യൂണിയനും ഇന്ത്യയും തമ്മിലുള്ള ബന്ധം മെച്ചപ്പെടുത്തുന്നതിൻ്റെ വിശാലമായ പശ്ചാത്തലത്തിലാണ് നിയമങ്ങളിൽ മാറ്റം വരുത്താനുള്ള തീരുമാനം. ബ്രിട്ടനിൽ വിരുദ്ധ നിയമം? ഇന്ത്യക്കാർക്കായി യൂറോപ്യൻ യൂണിയൻ ഷെൻഗെൻ വിസയിൽ വരുത്തിയിട്ടുള്ള ഈ മാറ്റങ്ങൾ, പക്ഷേ, ബ്രിട്ടനിലേക്കും യുകെ അംഗരാജ്യങ്ങളിലേക്കും പ്രവേശനം അനുവദിക്കില്ല. അതായത് ഷെൻഗെൻ വിസ നേടിയാലും യൂറോപ്യൻ രാജ്യത്തുനിന്നായാലും ഒരു ഇന്ത്യൻ പൗരന്  ബ്രിട്ടനിലേക്ക് പ്രവേശിക്കുന്നതിന് വേറിട്ട വിസ വേണ്ടിവരും. അതേസമയം ബ്രിട്ടനിലുള്ള ഇന്ത്യക്കാർക്ക് അല്ലെങ്കിൽ ബ്രിട്ടീഷ് പൗരത്വമുള്ളവർക്ക് ഷെൻഗെൻ വിസ ഉപയോഗിച്ച്  എല്ലാ ഷെൻഗെൻ അംഗരാജ്യങ്ങളിലും പ്രദേശങ്ങളിലും സന്ദർശിക്കുവാൻ സാധിക്കും. സന്ദർശകർക്കു  പുറമേ  യൂറോപ്പിൽ പഠനത്തിനും ജോലിക്കുമായി വരാൻ തയ്യാറെടുക്കുന്നവർക്ക് അവിടത്തെ ജീവിത സാഹചര്യങ്ങളും അവസരങ്ങളും മുൻകൂട്ടി മനസ്സിലാക്കാൻ ഷെൻഗെൻ വിസ കാര്യമായി പ്രയോജനം ചെയ്യും.