HEALTH
നിങ്ങളുടെയോ പ്രിയപ്പെട്ടവരുടേയോ വിരലുകള് ഇങ്ങനെയാണോ കാണപ്പെടുന്നത്, സ്മാര്ട്ട് ഫോണ് ഫിംഗര് എന്ന ആരോഗ്യാവസ്ഥയെ കുറിച്ച് അറിഞ്ഞിരിക്കണം
3>മനുഷ്യര് ഫോണുമായി കൂടുതല് സമയം ചിലവഴിക്കുന്ന കാലമാണ്. അതിനാല് തന്നെ നിരവധി രോഗങ്ങള് ഇതിലൂടെ ശരീരത്തെ ബാധിക്കുന്ന കാലം കൂടിയാണ്. ഇപ്പോഴിതാ സ്മാര്ട്ട് ഫോണ് ഫിംഗര് അഥവാ ഐ ഫോണ് ഫിംഗര് എന്ന രോഗാവസ്ഥയെ കുറിച്ചുള്ള കാര്യമാണ് പുറത്ത് വരുന്നത്.
സ്മാാര്ട്ട് ഫോണുകളുടെ അമിതമായ ഉപയോഗത്തില് നിന്ന് ഉണ്ടാകുന്ന പൊതുവായ ശാരീരിക അസ്വാസ്ഥ്യങ്ങളെയോ ബുദ്ധിമുട്ടുകളെയോ വിവരിക്കാന് ഉപയോഗിക്കുന്ന പദമാണിത്. സ്മാര്ട്ട് ഫോണുകള് പോലുള്ള ഉപകരണങ്ങളുടെ ഉപയോഗം വര്ദ്ധിച്ചതിനാല് സമീപ വര്ഷങ്ങളില് ഈ അവസ്ഥ കൂടുതല് സാധാരണമായിരിക്കുന്നു. അമിതമായ സ്മാര്ട്ട് ഫോണ് ഉപയോഗം കൈവിരലുകളുടെ ഷേപ്പില് മാറ്റങ്ങള് വരുത്താമെന്നാണ് വിദഗ്ദ്ധര് പറയുന്നത്.
സ്ക്രീനില് ടൈപ്പു ചെയ്യുമ്പോഴോ സൈ്വപ്പു ചെയ്യുമ്പോഴോ ടാപ്പു ചെയ്യുമ്പോഴോ ആവര്ത്തിച്ചുള്ള എല്ലാ ചലനങ്ങളും നിങ്ങളുടെ ചെറുവിരലിന് മാറ്റം വരുത്തുന്നു. ഐ ഫോണ് ഫിംഗര് എന്നും പറയപ്പെടുന്ന ഈ പ്രതിഭാസം നമ്മുടെ കൈവിരലുകളെ എങ്ങനെ ബാധിക്കുന്നു എന്ന് നോക്കാം.
ടിക്ക് ടോക്കില് ഷെയര് ചെയ്ത ടി.ജെ ഷോയുടെ മാര്ച്ച് മാസത്തെ എപ്പിസോഡിലാണ് ഈ പ്രതിഭാസത്തെക്കുറിച്ച് നവലിയ രീതിയില് ചര്ച്ച ചെയ്യുന്നത്. നിങ്ങള് ഫോണുകള് പിടിക്കുന്ന രീതി കാരണം സ്മാര്ട്ട് ഫോണുകളുടെ ഭാരം നമ്മുടെ ചെറുവിരലുകള് താങ്ങുന്നുവെന്നും ഇത് ചെറുവിരലുകളുടെ ആകൃതിയില് വ്യത്യാസമുണ്ടാക്കുമെന്നാണ് ഷോയില് ചിലര് പറയുന്നത്.
ഒക്യുപേഷണല് തെറാപ്പിസ്റ്റായ ആന്ഡ്രു ബാക്കന് പറയുന്നതനുസരിച്ച് ഐ ഫോണ് ഫിംഗര് എന്നത് ശാസ്ത്രീയമായി തെളിയിച്ചിട്ടില്ല. ഔദ്യോഗികമായി ഈ രോഗം സ്ഥിരീകരിച്ചിട്ടില്ലെന്നും അദ്ദേഹം പറയുന്നു. എന്നാല് ക്യൂബിറ്റല് ടണല് സിന്ഡ്രോം, കാര്പ്പല് ടണല് സിന്ഡ്രോം എന്നിവ അമിതമായ സ്മാര്ട്ട് ഫോണ് ഉപയോഗം കാരണമുണ്ടാകാം എന്നും അദ്ദേഹം പറയുന്നു.
ഇന്ത്യയില് 41 ആവശ്യ മരുന്നുകളുടെയും ആറ് ഫോര്മുലേഷനുകളുടെയും വില കുറച്ചു!!!
3>41 ആവശ്യ മരുന്നുകളുടെയും ആറ് ഫോര്മുലേഷനുകളുടെയും വില കുറച്ചു. പ്രമേഹം, ശരീരവേദന, ഹൃദയ സംബന്ധമായ അസുഖങ്ങള്, കരള് പ്രശ്നങ്ങള് എന്നിവക്കുള്ള മരുന്നുകള്, ആന്റാസിഡുകള്, അണുബാധകള്, അലര്ജികള് എന്നിവയ്ക്കുള്ള മരുന്നുകള്, മള്ട്ടിവിറ്റാമിനുകള്, ആന്റിബയോട്ടിക്കുകള് തുടങ്ങിയവയുടെ വില കുറച്ചതായി ഫാര്മസ്യൂട്ടിക്കല്, നാഷണല് ഫാര്മസ്യൂട്ടിക്കല് പ്രൈസിംഗ് അതോറിറ്റി (എന്പിപിഎ) പുറത്തിറക്കിയ വിജ്ഞാപനത്തില് പറയുന്നു.
മരുന്നുകളുടെ വില കുറച്ച വിവരം ഡീലര്മാര്ക്കും സ്റ്റോക്കിസ്റ്റുകള്ക്കും ഉടന് പ്രാബല്യത്തില് എത്തിക്കാന് ഫാര്മ കമ്പനികള്ക്ക് എന്പിപിഎ നിര്ദേശം നല്കിയിട്ടുണ്ട്. ലോകത്ത് ഏറ്റവും കൂടുതല് പ്രമേഹരോഗികളുള്ള രാജ്യങ്ങളിലൊന്നാണ് ഇന്ത്യ. വില കുറയുന്നതോടെ 10 കോടിയിലധികം പ്രമേഹ രോഗികള്ക്കാണ് പ്രയോജനം ലഭിക്കുക.
''മരുന്നുകളുടെയും ഫോര്മുലേഷനുകളുടെയും വിലയില് മാറ്റം വരുത്തുന്നത് എന്പിപിഎ പോലുള്ള റെഗുലേറ്ററി ബോഡിയുടെ പതിവ് ജോലിയാണ്. പൊതുജനങ്ങള്ക്കുള്ള അവശ്യമരുന്നുകളില് പരിധി നിശ്ചയിച്ചിട്ടുണ്ടെന്നും ചെലവ് താങ്ങാനാവുന്നതാണോ എന്ന് ഉറപ്പാക്കുമെന്നും'' ഒരു മുതിര്ന്ന എന്പിപിഎ ഉദ്യോഗസ്ഥന് പറഞ്ഞു.
കൊതുകിലൂടെ പിടിപെടുന്ന രോഗങ്ങള്ക്കെതിരെ ജാഗ്രത പാലിക്കുക, കൊതുകിനെ അകറ്റുന്നതിന് വീട്ടില് തന്നെ പരീക്ഷിക്കാവുന്ന ചില മാര്ഗ്ഗങ്ങള് ഇതാ
3>സംസ്ഥാനത്ത് ചില ജില്ലകളിലെ പല ഭാഗങ്ങളില് കൊതുകിനാല് പകരുന്ന രോഗങ്ങള് റിപ്പോര്ട്ട് ചെയ്യുന്നുണ്ട്. ഇതിനെതിരെ ജാഗ്രത പാലിക്കണമെന്നാണ് ആരോഗ്യ വകുപ്പിന്റെ മുന്നറിയിപ്പ്. ഇപ്പോഴിതാ ജാഗ്രത പാലിക്കേണ്ട രോഗങ്ങളായ ഡെങ്കിപ്പനി ചിക്കന്ഗുനിയ മലേറിയ തുടങ്ങിയവയ്ക്ക് എതിരെ ശ്രദ്ധിക്കേണ്ട കാര്യങ്ങളെ കുറിച്ചാണ് പറയുന്നത്.
ആരോഗ്യ വകുപ്പിന്റെ മുന്നറിയിപ്പ് പ്രകാരം 8- 10 ദിവസത്തിനുള്ളില് തന്നെ വൈറസുകള് കൊതുകിന്റെ ഉമിനാര് ഗ്രന്ഥിയില് പ്രവേശിക്കുന്നു. ചിക്കന്ഗുനിയ, ഡെങ്കിപ്പിനി, മലേറിയ എന്നിവ കൊതുകിലൂടെ പിടിപെടുന്ന രോഗമാണ്. ജനങ്ങള് കൊതുക് വളരുന്നതിനുള്ള സാഹചര്യം വീടുകളിലോ പരിസരപ്രദേശങ്ങളിലോ ഇല്ല എന്ന് ഉറപ്പ് വരുത്തേണ്ടതാണ്. കൊതുകിനെ അകറ്റുന്നതിന് വീട്ടില് തന്നെ പരീക്ഷിക്കാവുന്ന ചില മാര്ഗങ്ങള്.
1. ഗ്രാമ്പൂവിന്റെയും നാരങ്ങയുടെയും മണം കൊതുകിന് അലോസരമുണ്ടാക്കും. ചെറുനാരങ്ങയില് ഗ്രാമ്പൂ കുത്തി മുറികളില് വയ്ക്കുന്നത് കൊതുകിനെ അകറ്റാന് സഹായിക്കും.
2. കാപ്പിപ്പൊടി കൊതുകുകളെ അകറ്റാനുള്ള മറ്റൊരു വഴിയാണ്. ഇവ അല്പം തുറന്ന ബൗളില് സൂക്ഷിക്കുന്നത് കൊതുകിനെ അകറ്റും.
3. കുരുമുളകുപൊടി സ്പ്രേ ചെയ്യുന്നത് കൊതുകിനെ എളുപ്പം തുരത്താന് സഹായിക്കും. കുരുമുളകുപൊടി ഏതെങ്കിലും എസന്ഷ്യല് ഓയിലില് കലര്ത്തി കൊതുക് ശല്യമുള്ള ഇടങ്ങളില് സ്പ്രേ ചെയ്യുക.
4. കര്പ്പൂരവള്ളി വീട്ടില് വളര്ത്തുന്നതും ലാവെന്ഡര് ഓയില് പോലുള്ള സ്വാഭാവിക ഓയിലുകള് ഉപയോഗിക്കുന്നതും കൊതുക് ശല്യം എളുപ്പം അകറ്റാനാകും.
ചായയും കാപ്പിയും ഒരു ദിവസം പോലും ഒഴിവാക്കാന് പറ്റാത്തവരാണോ? പണി വരുന്നുണ്ടെന്ന് ഇന്ത്യന് കൗണ്സില് ഓഫ് മെഡിക്കല് റിസര്ച്ച്
3>പലരുടേയും ഒരു ദിവസം തുടങ്ങുന്നത് ചായയോ കാപ്പിയോ കുടിച്ചാണ്. ചിലര്ക്ക് ഒരു ഗ്ലാസ് ചായയാണെങ്കില് മറ്റ് ചിലര്ക്ക് ഒന്നില് കൂടുതല് ചായ നിര്ബന്ധമാണ്. പക്ഷെ ചായ കുടിയുടെ അപകടത്തെ കുറിച്ച് പറയുകയാണ് ഇന്ത്യന് കൗണ്സില് ഓഫ് മെഡിക്കല് റിസര്ച്ച്.
അടുത്തിടെ ഭക്ഷണ മാര്ഗനിര്ദേശങ്ങള് അവതരിപ്പിച്ചപ്പോഴാണ് ഇക്കാര്യം അവര് വ്യക്തമാക്കിയത്. ചായയും കാപ്പിയും അമിതമായി കുടിക്കുന്നത് ആരോഗ്യ പ്രശ്നത്തിന് കാരണമാകുമെന്നാണ് വിദഗ്ദ്ധരുടെ അഭിപ്രായം. ഇന്ത്യയില് ഒരു വലിയ ജനവിഭാഗവും ചായയ്ക്കോ കാപ്പിക്കോ അടിമകളാണ്. ഭക്ഷണത്തിന് മുന്പോ ശേഷമോ ചായയും കാപ്പിയും കുടിക്കരുതെന്നും വിദഗ്ദ്ധര് വ്യക്തമാക്കുന്നു.
ചായയിലും കാപ്പിയിലും കഫീന് അടങ്ങിയിട്ടുണ്ട്. കഫീന് കേന്ദ്ര നാഡീവ്യവസ്ഥയെ ഉത്തേജിപ്പിക്കുന്നു. ഇത് മാനസികമായ പിരിമുറുക്കത്തിന് കാരണമാകുമെന്നാണ് കണ്ടെത്തല്.പ്രതിദിനം വെറും 300 മില്ലിഗ്രാം കഫീന് മാത്രമേ കഴിക്കാന് പാടുള്ളു. ഒരു കപ്പ് (150 മില്ലി) ബ്രൂഡ് കാപ്പിയില് 80-120 മില്ലിഗ്രാം കഫീന് അടങ്ങിയിരിക്കുന്നു. സാധാരണ കാപ്പിയില് 50-65 മില്ലിഗ്രാമും ചായയില് 30-65 മില്ലിഗ്രാം കഫീനും അടങ്ങിയിട്ടുണ്ട്.
ഭക്ഷണം കഴിക്കുന്നതിന് ഒരു മണിക്കൂര് മുന്പും ശേഷവും നിര്ബന്ധമായും കാപ്പിയും ചായയും ഒഴിവാക്കാന് വിദഗ്ദ്ധര് ജനങ്ങളോട് ആവശ്യപ്പെടുന്നു. ചായയിലും കാപ്പിയിലും ടാനിന് അടങ്ങിയിട്ടുണ്ട്. ഇത് ശരീരം ഇരുമ്പ് ആഗിരണം ചെയ്യുന്നത് കുറയ്ക്കുന്നതിന് കാരണമാകുന്നു. തുടര്ന്ന് അനീമിയ പോലുള്ള ആരോഗ്യപ്രശ്നങ്ങള് വരാന് ഇടയാക്കും. അമിതമായ കാപ്പി ഉപഭോഗം ഉയര്ന്ന രക്തസമ്മര്ദ്ദത്തിനും ഹൃദയ സംബന്ധമായ പ്രശ്നങ്ങള്ക്കും കാരണമാകുമെന്ന് റിപ്പോര്ട്ടുണ്ട്. എണ്ണ, പഞ്ചസാര, ഉപ്പ് എന്നിവയുടെ ഉപയോഗം പരിമിതപ്പെടുത്തിക്കൊണ്ട് പഴങ്ങള്, പച്ചക്കറികള്, ധാന്യങ്ങള്, മാംസം, സമുദ്രവിഭവങ്ങള് എന്നിവ അടങ്ങിയ ഭക്ഷണക്രമവും വിദഗ്ദ്ധര് ശുപാര്ശ ചെയ്യുന്നുണ്ട്.
മലപ്പുറത്തെ മഞ്ഞപ്പിത്ത വ്യാപനം കണക്കിലെടുത്ത് ഒരു മാസത്തെ തീവ്രയജ്ഞ പരിപാടി പ്രഖ്യാപിച്ച് ആരോഗ്യവകുപ്പ്, കൊവിഡ് സമയത്തെ പോലെ ജാഗ്രത പുലര്ത്തണമെന്ന് ഡിഎംഒ
3>മലപ്പുറത്തെ മഞ്ഞപ്പിത്ത വ്യാപനം കണക്കിലെടുത്ത് തുടര്ന്ന് ഒരു മാസത്തെ തീവ്രയജ്ഞ പരിപാടി പ്രഖ്യാപിച്ചു. ആരോഗ്യവകുപ്പിന്റെ നേതൃത്വത്തില് വിവിധ വകുപ്പുകളെ ഏകോപിപ്പിച്ചായിരിക്കും ആരോഗ്യ പ്രവര്ത്തനം.
സംസ്ഥാനത്ത് ഇതിന് മുന്പത്തെ വര്ഷങ്ങളെ അപേക്ഷിച്ച് മഞ്ഞപ്പിത്ത രോഗം വര്ധിക്കുന്നതായി റിപ്പോര്ട്ട് ലഭിച്ചതിനെ തുടര്ന്നാണ് തീവ്രയജ്ഞ പരിപാടി പ്രഖ്യാപിച്ചിരിക്കുന്നത്. കഴിഞ്ഞ വര്ഷത്തേ അപേക്ഷിച്ച് ഇരട്ടി പേര് ഈ അഞ്ച് മാസം കൊണ്ട് മരിച്ചതായാണ് ആരോഗ്യവകുപ്പ് പുറത്തുവിട്ട കണക്കുകള്. ഈ വര്ഷം മാത്രം മഞ്ഞപ്പിത്തം ബാധിച്ച് മരിച്ചവരുടെ എണ്ണം പതിമൂന്ന് ആയി. സംസ്ഥാനത്ത് അഞ്ച് മാസം കൊണ്ട് മഞ്ഞപ്പിത്തം ബാധിച്ചുള്ള മരണം രണ്ടക്കം പിന്നിട്ടു.
ഉച്ചഭാഷിണി ഉപയോഗിച്ച് മഞ്ഞപ്പിത്ത ബോധവല്ക്കരണം നടത്തുന്നതിന് യോഗത്തില് തീരുമാനമെടുത്തു. കൊവിഡ് സമയത്തെ പോലെ ജാഗ്രത പുലര്ത്തണമെന്ന് ഡിഎംഒ മുന്നറിയിപ്പ് നല്കി.
രോഗബാധിതര് മറ്റുള്ളവരുമായി ഒരു മാസം സമ്പര്ക്കം ഉണ്ടാവരുത്, രോഗികളുടെ വീടുകളില് സന്ദര്ശനം പ്രോത്സാഹിപ്പിക്കരുത്, കുടിക്കാന് തിളപ്പിച്ചാറിയ വെള്ളം മാത്രം ഉപയോഗിക്കണം, കടകളില് ജ്യുസുകള് തയ്യാറാക്കാനും തിളപ്പിച്ചാറിയ വെള്ളം വേണം ഉപയോഗിക്കാന്, കിണറുകള് ക്ലൊറിനേറ്റ് ചെയ്യണം, മാലിന്യ സംസ്കരണം കാര്യക്ഷമമായി നടത്തണം, ഉല്ലാസ യാത്ര പോകുന്നവര് ജാഗ്രത പുലര്ത്തണം എന്നീ മുന്നറിയിപ്പുകളും പുറവെടുപ്പിച്ചിട്ടുണ്ട്.
കേരളത്തില് വീണ്ടും പക്ഷിപ്പനി, ആലപ്പുഴയ്ക്ക് പിന്നാലെ പത്തനംതിട്ട തിരുവല്ല സര്ക്കാര് താറാവ് വളര്ത്തല് കേന്ദ്രത്തിലാണ് പക്ഷിപ്പനി സ്ഥിരീകരിച്ചത്
3>കേരളത്തില് വീണ്ടും പക്ഷിപ്പനി പടരുന്നതായി റിപ്പോര്ട്ട്. ആലപ്പുഴയ്ക്ക് പിന്നാലെ പത്തനംതിട്ട തിരുവല്ല നിരണത്തെ സര്ക്കാര് താറാവ് വളര്ത്തല് കേന്ദ്രത്തിലാണ് പക്ഷിപ്പനി സ്ഥിരീകരിച്ചത്. ഭോപ്പാലിലെ വൈറോളജി ഇന്സ്റ്റിറ്റ്യൂട്ടാണ് റിപ്പോര്ട്ട് നല്കിയത്.
കഴിഞ്ഞയാഴ്ച നിരവധി താറാവുകള് നിരണത്തെ താറാവ് വളര്ത്തല് കേന്ദ്രത്തില് കൂട്ടത്തോടെ ചത്തിരുന്നു. ഇതിനെത്തുടര്ന്നാണ് സാമ്പിളുകള് പരിശോധിച്ചത്. പക്ഷിപ്പനി സ്ഥിരീകരിച്ച സാഹചര്യത്തില് പ്രതിരോധ നടപടികള് ആരംഭിച്ചതായി അധികൃതര് അറിയിച്ചു.
ആലപ്പുഴയിലെ തഴക്കര ഗ്രാമപഞ്ചായത്തിലെ വെട്ടിയാര് പെരുവേലില് ചാല് പുഞ്ചയില് തീറ്റക്കായി കൊണ്ടുവന്ന താറാവ് കൂട്ടത്തിലാണ് രോഗം കണ്ടെത്തിയിരുന്നു. 70 ദിവസം പ്രായമുള്ള 10,000 താറാവുകളില് 3000 എണ്ണം ചത്തു.
സംസ്ഥാനത്ത് പക്ഷിപ്പനി സ്ഥിരീകരിച്ചതോടെ കേരള -തമിഴ്നാട് അതിര്ത്തികളില് പരിശോധന ശക്തമാക്കി.
ഉറക്കക്കുറവ് ആണോ പ്രശ്നം, ഈ പാനീയങ്ങള് നല്ല ഉറക്കം ലഭിക്കാന് സഹായിക്കും
3>നല്ല ഭക്ഷണം നല്ല വ്യായാമം പോലെ തന്നെ പ്രധാനമാണ് നല്ല ഉറക്കവും. എന്നാല് രാത്രികാല ഉറക്കം ചിലര്ക്ക് നല്ല രീതിയില് ലഭിക്കണമെന്നില്ല. ചില അനാവശ്യ ഡയറ്റോ, ടെന്ഷനോ എല്ലാം ഉറക്കക്കുറവിന് കാരണമായേക്കാം. എന്നാല് നല്ല ഉറക്കം കിട്ടാന് ചില പാനീയങ്ങള് സഹായിക്കും. മനസ്സിലും ശരീരത്തിനും നല്ല ആരോഗ്യം ലഭിക്കാന് നല്ല ഉറക്കത്തിനായി ഉപകരിക്കുന്നതാണ് ഈ പാനീയങ്ങള്. രാത്രി നല്ല ഉറക്കം ലഭിക്കാന് സഹായിച്ചേക്കാവുന്ന ചില പാനീയങ്ങള് ഇവയെല്ലാമാണ്.
പാല്:ഉറക്കത്തെ സഹായിക്കുന്ന 'മെലാറ്റോണിന്' എന്ന ഹോര്മോണ് ഉത്പാദിപ്പിക്കുന്ന 'ട്രിപ്റ്റോഫാനെ' തലച്ചോറിലേക്ക് എത്തിക്കുന്ന പ്രവര്ത്തനം പാലിലുള്ള കാത്സ്യം നിര്വഹിക്കുന്നു. അതിനാല് രാത്രി ഒരു ഗ്ലാസ് ചൂടുപാല് കുടിക്കുന്നത് നല്ല ഉറക്കത്തിന് സഹായിക്കും.
ബദാം മില്ക്ക്:ബദാമില് അടങ്ങിയിരിക്കുന്ന മഗ്നീഷ്യം ഉറക്കത്തിന് സഹായിക്കുന്ന മെലാറ്റോണിന്റെ ഉത്പാദനം നിയന്ത്രിക്കുന്നു. അതിനാല് ബദാം പാല് കുടിക്കുന്നത് ഉറക്കക്കുറവിനെ പരിഹരിക്കാന് സഹായിക്കും.
മഞ്ഞള് പാല്:രാത്രി പാലില് ഒരു നുള്ള് മഞ്ഞള് ചേര്ത്ത് കുടിക്കുന്നത് നല്ല ഉറക്കത്തിന് സഹായിക്കും. മഞ്ഞളിലെ കുര്കുമിന് ആണ് ഇതിന് സഹായിക്കുന്നത്.
ചെറി ജ്യൂസ്:ഉറക്കക്കുറവ് പരിഹരിക്കുന്ന മെലാറ്റോനിന് ചെറുപ്പഴത്തില് ധാരാളം ഉണ്ട്. അതിനാല് ചെറി ജ്യൂസ് രാത്രി കുടിക്കുന്നത് നല്ല ഉറക്കത്തിന് സഹായിക്കും.
കിവി ജ്യൂസ്:ഉയര്ന്ന ആന്റി ഓക്സിഡന്റ് അളവുകളുള്ള കിവി ജ്യൂസ് കുടിക്കുന്നതും നല്ല ഉറക്കം ലഭിക്കാന് സഹായിക്കും.
പെപ്പര്മിന്റ് ടീ:പെപ്പര്മിന്റ് ഇലയില് അടങ്ങിയിരിക്കുന്ന ആന്റി ഓക്സിഡന്റുകള് നല്ല ഉറക്കം ലഭിക്കാന് സഹായിക്കും. അതിനാല് പെപ്പര്മിന്റ് ടീ രാത്രി കുടിക്കാം.
ഇഞ്ചി ചായ:ആന്റി- ഇന്ഫ്ലമേറ്ററി ഗുണങ്ങളും, ആന്റി ഓക്സിഡന്റ് ഗുണങ്ങളും അടങ്ങിയ ഇഞ്ചി ചായ ഡയറ്റില് ഉള്പ്പെടുത്തുന്നതും നല്ല ഉറക്കം ലഭിക്കാന് സഹായിക്കും.
ശ്രദ്ധിക്കുക: ന്യൂട്രീഷനിസ്റ്റിന്റെയോ ആരോഗ്യവിദഗ്ധന്റെയോ ഉപദേശം തേടിയശേഷം ആഹാരക്രമത്തില് മാറ്റം വരുത്തുക.
സംസ്ഥാനത്ത് 67കാരന് മരിച്ചത് വെസ്റ്റ് നൈല് ബാധിച്ചാണെന്ന് സംശയം, സ്വകാര്യ ആശുപത്രിയില് ചികിത്സയിലിരിക്കെയാണ് സുകുമാരന്റെ മരണം
3>പാലക്കാട് കാഞ്ഞിക്കുളം സ്വദേശി 67 കാരനായ സുകുമാരന് മരിച്ചത് വെസ്റ്റ് നൈല് ബാധിച്ചാണെന്ന് സംശയം. പെരിന്തല്മണ്ണയിലെ സ്വകാര്യ ആശുപത്രിയില് ചികിത്സയിലിരിക്കെയാണ് സുകുമാരന്റെ മരണം. മെയ് 5ന് വീട്ടില് വെച്ച് ഛര്ദ്ദിച്ചതിനെ തുടര്ന്ന് ആശുപത്രിയില് പ്രവേശിപ്പിക്കുകയായിരുന്നു. ഇതോടെ വടക്കന് ജില്ലകളില് ആരോ?ഗ്യവകുപ്പ് നിരീക്ഷണം ഏര്പ്പെടുത്തി.
സംസ്ഥാനത്ത് ഈ മാസം ഏഴ് പേര്ക്കാണ് വെസ്റ്റ് നൈല് പനി ബാധിച്ചത്. തൃശൂരില് കഴിഞ്ഞ ദിവസം വെസ്റ്റ് ബാധിച്ചുള്ള മരണം സ്ഥിരീകരിച്ചിരുന്നു. കൂടാതെ പണ്ടു പേര് പനിയുടെ ലക്ഷണങ്ങളോടെ ആശുപത്രിയില് ചികിത്സയിലാണ്. കോഴിക്കോട്, മലപ്പുറം ജില്ലകളിലും രോ?ഗബാധ സ്ഥിരീകരിച്ചിട്ടുണ്ട്.
ജില്ലാ ഓഫീസര്മാര്ക്ക് ജാഗ്രതാനിര്ദേശം നല്കിയെങ്കിലും ആശങ്കപ്പെടേണ്ട സാഹചര്യമില്ലെന്നും ഐസൊലേഷന് വാര്ഡുകള് നിലവില് തുറക്കേണ്ടതില്ലെന്നുമാണ് ആരോഗ്യ വകുപ്പ് അധികൃതര് പറയുന്നത്.
കാറില് സഞ്ചരിക്കുമ്പോള് ക്യാന്സറിന് കാരണമാകുന്ന രാസവസ്തുക്കള് ശ്വസിക്കുന്നോ? പുതിയ പഠനം ഇങ്ങനെ
3>കാറില് വളരെ സൗകര്യത്തോടെയുള്ള യാത്രകള് പക്ഷെ നമ്മെ അപകടത്തിലേക്കാണ് നയിക്കുന്നതെന്ന് പഠനങ്ങള് പറയുന്നു. കാറിലെ യാത്ര നിങ്ങളെ ഒരു ക്യാന്സര് രോഗിയാക്കുമെന്നാണ് പഠനങ്ങള് പറയുന്നത്. കാറില് സഞ്ചരിക്കുമ്പോള് ക്യാന്സറിന് കാരണമാകുന്ന രാസവസ്തുക്കള് ശ്വസിക്കുന്നതായാണ് കണ്ടെത്തല്.
എന്വയോണ്മെന്റല് സയന്സ് ആന്ഡ് ടെക്നോളജിയില് പ്രസിദ്ധീകരിച്ച പഠനത്തിലാണ് ഇക്കാര്യം വ്യക്തമാക്കുന്നത്. 2015നും 2022നും ഇടയിലുള്ള 101 ഇലക്ട്രിക്, ഗ്യാസ്, ഹൈബ്രിഡ് കാറുകളുടെ ഉള്ളിലെ വായുവില് ഗവേഷകര് വിശകലനം ചെയ്തു. ഇതില് 99ശതമാനം കാറുകളിലും ടിസിഐപിപി എന്ന ഫ്ലേം റിട്ടാര്ഡന്റ് (തീ അണയ്ക്കാന് സഹായിക്കുന്ന രാസവസ്തു) അടങ്ങിയിട്ടുണ്ടെന്ന് കണ്ടെത്തി. ഇത് ശ്വസിക്കുന്നതിലൂടെ ക്യാന്സര് പോലുള്ള മാരക രോഗങ്ങള് വരുന്നുവെന്നാണ് കണ്ടെത്തല്.
കൂടാതെ പ്രത്യുല്പാദന ശേഷി കുറയ്ക്കുന്നതിനും ഇത് കാരണമായേക്കമെന്ന് ഗവേഷകര് പറയുന്നു. ദിവസവും കാറില് ദീര്ഘ ദൂരം സഞ്ചരിക്കുന്നവര്ക്ക് ഇത് വളരെ ദോഷകരമാണ്. ഇത്തരം രാസവസ്തുക്കളുടെ അളവ് വേനല് കാലത്ത് കാറിനുള്ളില് കൂടുതലായിരിക്കുമെന്നും പഠനത്തില് കണ്ടെത്തിയിട്ടുണ്ട്. സീറ്റിലെ കുഷ്യനാണ് കൂടുതലായി കാറിനുള്ളിലെ വായുവില് രാസവസ്തുക്കള് കൂട്ടുന്നതിന് കാരണമാകുന്നതെന്നാണ് പഠന റിപ്പോര്ട്ട്. നശിക്കാതിരിക്കാന് നിരവധി രാസവസ്തുക്കളാണ് സീറ്റ് കുഷ്യനില് ചേര്ക്കുന്നത്. കാറിന്റെ വിന്ഡോകള് തുറന്ന് തണലില് വാഹനം പാര്ക്ക് ചെയ്യുമ്പോള് ഈ രാസവസ്തുക്കളുടെ സമ്പര്ക്കം കുറയ്ക്കാന് സഹായിക്കുന്നതായി ഗവേഷകര് പറയുന്നു.
വാക്സിന് വിവാദങ്ങള്ക്കിടയില്, വാക്സിന് പിന്വലിച്ച് നിര്മ്മാണ കമ്പനിയായ ആസ്ട്രാസെനെക
3>അപൂര്വ്വമായ പാര്ശ്വഫലങ്ങള്ക്ക് കോവിഷീല്ഡ് കാരണമാകുന്നു എന്ന വാര്ത്തകള് എല്ലായിടത്തും പരക്കുനന്തിനിടെ വാക്സിന് പിന്വലിച്ച് നിര്മ്മാണ കമ്പനിയായ ആസ്ട്രാസെനെക. കോവിഡ് വാക്സിന് ഉത്പാദനവും വിതരണവും പൂര്ണമായി അവസാനിപ്പിക്കുന്നതായാണ് കമ്പനി അറിയിച്ചിരിക്കുന്നത്.
വാണിജ്യപരമായ കാരണങ്ങളാല് വാക്സിന് വിപണിയില് നിന്ന് നീക്കം ചെയ്യുകയാണെന്ന് ആസ്ട്രസെനെക പറഞ്ഞയായി ദ ടെലിഗ്രാഫിന്റെ റിപ്പോര്ട്ട് പറയുന്നു. കോവിഡ് -19നുള്ള വാക്സിനുകളുടെ ലഭ്യത അധികമായതിനാലും പുതിയ വകഭേദങ്ങളെ പ്രതിരോധിക്കാന് കഴിവുള്ള നവീകരിച്ച വാക്സിനുകള് കോവിഷീല്ഡിനെ അപ്രസക്തമാക്കിയെന്നും കമ്പനി വിശദീകരിക്കുന്നു.
യുകെ. ഹൈക്കോടതിക്ക് മുമ്പാകെയെത്തിയ പരാതിക്ക് മറുപടിയായാണ് കോവിഷീല്ഡ് വാക്സിന് അപൂര്വസാഹചര്യങ്ങളില് രക്തം കട്ടപിടിക്കുന്നതിനും പ്ലേറ്റ്ലേറ്റ് കൗണ്ട് കുറയുന്നതിനും കാരണമാകുമെന്ന് കമ്പനി അറിയിച്ചത്.
ഓക്സ്ഫഡ് സര്വകലാശാലയുമായിച്ചേര്ന്ന് ആസ്ട്രസെനെക വികസിപ്പിച്ച വാക്സിന്, സിറം ഇന്സ്റ്റ്യിറ്റിയൂട്ട് ഓഫ് ഇന്ത്യയാണ് കോവിഷീല്ഡ് എന്ന പേരില് ഇന്ത്യയില് നിര്മ്മിച്ചത്.